عروسة مكتئبة ساعدوني الله يوفقكم....

السلام عليكم
اخواتي انا كتبت قبل كم يوم عن مشكلة لي مع زوجي انه مايبي احد يدخل غرفة النوم حتى امي وامه ان شاء الله تكونون افتكرتوني اوكي المشكلة وانحلت والحمد لله ارائكم ونصائحكم شجعتني
لكن الان في مشكلة غيرها امس كلمني وانا في بيت اهلي لانه عنده عمل خارح المدينه المهم قلت له انت قلت لي انه توفر من راتبك المبلغ الفلاني(...)ليش هي رواتبكم تنزل بالهجري ولا بالميلادي المهم سمع صوت الوالده جنبي وسالني امك عندك قلت ايه الله لايوريكم على الزعل والسخط الي سواه وقال ماعندي ولا ريال وماعندي شي وقفلي ماابي اكلمك المهم قفلنا ورجعت كلمته من غرفة ثانيه وقلت له ماسمعتك امي كانت مشغوله مارضي يصدق وقالي الزوجه الي ماتحفظ اسرار بيتها انا ماابيها قلت يعني ماتبيني قال افهميها زي ماتبين المهم قلت له شكرا انا لسه ماكملت شهر وكل هذي المشاكل حرام عليك قال هذي المشاكل بسببك المهم انا قفلت ونمت ماصحيت الابعد 9ساعات طبعا الوالده الله يحفظها لي خافت علي لاني من النوع لما ازعل انام ومن النوع الي مااحب المشاكل ومااتحملها
الحين ابي رايكم وش اسوي انا مرررررررة متضايقه اتركه واطلب الطلاق لاني ماكملت شهر وعندي كل هالمشاكل وانا اخاف بعد فترة يزيد الحال او يطلقني ويكون عندي طفل وهو المشكله مررررررة عصبي واخلاقه ضيقة ومايتفاهم والي يقوله هو الصح ماادري كيف اخليه يفهمني ويحبني ماكان كذا ايام الخطبة قلت ليه انت مو زي زمان كل كل وقت له كلامه وتصرفاته وبصراحة احنا قبل زواجنا بكم يوم اتخاصمنا وشدينا واتطلقنا لكن رحنا سالنا شيوخ قالو هذا الطلاق ماوقع وهذا طلاق غضب بصراحة انا سرت خايفة اشد لاني ايام الخطبة كنت على اقل شي اقول ماابغاك وهو الان حالف اني لو قلتها بيطلق وانا زعلت لما قال زوجه ماتحفظ اسرار بيتها ماابغاها لكن ماقدرت ارد وفي نفس الوقت زعلانه لان كرامتي انهانت مادري اشد معاه والي يسير يسير ولا وش اقول هو من امس مااتصل طيب اذا اتصل اسوي روحي زعلانه ولا عادي انا احس انها اهانه كبيرة لي وهل هذي المشاكل عادية ولالا اسفه طولت عليكم لكن مالي غيركم اشكيله همي بعد الله

18 تعليق 2,544 مشاهدة

شاركي في النقاش

سجلي الدخول لإضافة تعليق.

التعليقات

18
  1. صاحبة الموضوع
    11 وحده دخلت ولافيه رد لهذي الدرجه مشكلتي معقده وحياتي غير عادية يعني زوجي فعلا مااقدر اعيش معاه بليز احد يرد علي انا فعلا اكتئبت
  2. @abaaar

    هلا حبيبتي وسعي صدرك وطبيعي المشاكل في اول حياتكم ماكملتي شهر عالعموم طولي بالك علية وحاولي تكسبية انت عرفتي طبعة وانة عصبي ومايحب احد يعرف شي عنكم خلاص نفذي طلبة ولاتكلمية الا لوحدك وهو زعل على بالة امك عارفة بسالفة الفلوس وهو شايفة خاص بينكم المهم اذا كلمك عادي لاتكوني زعلانة وخذية بالدلع والكلام الحلو الين يهدا وبعدين فهمية بهدوء ان امك ماتعرف شي عن الموضوع وانك تحفظي اسراره وشلي فكرة الطلاق من بالك وخذية بالكلام الحلو والدلع واهلك ابعديهم عن الي يصير بينكم وارسليلة مسج حلو ولا تعاتبية ابد ولاتنسي ان المشاكل في هذه الفترة كثير لين تفهموا بعض وبعدين عادي بس طولي بالك ولا تكبري الامور ومعليش طولت عليك والله يوفقك
  3. صاحبة الموضوع
    Abaaar بالعكس عزيزتي ماطولتي علي وجزاك الله خير ريحتيني واسعدني ردك وكلامك حتى لو كان رد بسيط لكن والله له اثر كبير علي الله يوفقك يارب
  4. @alaaamryh

    عادي المشاكل اول الزواج
    طبيعي الشد بيصير على كل شي..
    خاصه وانك انتي بعد من النوع الحساس
    وشخصيتك قويه وتناقشين لذلك بتصير
    مشاكلك اكثر من غيرك..
    حبيبتي منى انا زوجي نفس زوجك متكتم
    لآخر درجه بشكل فظيع..
    تصدقين قبل كم يوم كلمني وانا عند صديقتي
    قلت له هلا ابوفلان..ببداية المكالمه
    قال انتي يوم تقولين هلا ابوفلان كانت جنبك
    صديقتك!!!!!!!!!!!
    ههههههههههههه ياحسره صار التكتم عندهم
    زي الهوا اللي يتنفسونه..
    زوجك افهمي طبيعته وتعاملي معاه على اساسها
    وتأكدي بعد كم سنه بتتذكرين كلامي..
    الزوج الكتوم نعمه من الله..يكفي اسرار بيته حافظها
    عن اقرب الناس ومايخلي حياتك فاكهة المجلس لأهله
    واقرابه..
    لاتزعلي منه اذا كلمك مره ثانيه خلك عااااااااااديه مره ماكأن شي صار
    واذا ذكر لك الموضوع قولي له انك ماتكلمتي الا متأكده
    ان ماحد لمك..ووضحي له ان كثرة الخلافات ممكن تأزم
    العلاقه بينكم وانتم تحبون بعض..
    لكن لازم كلامك يكون وهو رايق مره..وحاولي ماتعانديه
    احسك عنيده شوي..:)
    الحياة الزوجيه ماهي حرب..لاتخسروا بعضكم..
    زوجك معاه حق باللي يقول ولو كان ماعنده حق كان
    قلنا لك مامعاه حق :)
  5. @dnyty_krbh

    خلاص اعتذري له وانتهت المشكله وترى بين الازواج مافيه كرامه لاتظلين على اتفه الاسباب تزعلين الحياه يبي له مداراه وصبر انا رغم ان زوجي يحبني واحبه لكن بعض الاحيان يزعل مني لدرجه يقولولي ماتبين روحي بيت اهلك بس اطنش اسوي نفسي ماسمعت شي واقول الله يسامحك بس
    فأنتي حاولي تكسبين رضاه وقولي تامر ياتاج راسي اللي تبيه يصير وانا ماكان قصدي اني اكلمك وامي جنبي ومن هالكلام وتشوفين شلون بيرجع زي اول واحسن وشيلي فكرة الطلاق من راسك لانك لو تطلقين الحين بعد شهر من الزواج الناس بيحطون العيب فيك ويقولون ماقدر يتحملها فلا تخربين حياتك بيدك .... وزوجك يوم كلمتيه وامك جنبك فكر لها دخل بالسؤال اللي سألتيه ,,,,,,

    ولاتزعلين نفسك ياقلبي ترى كل الرجال كذا واول الزواج بتتحسسين من كل شي بس مع الوقت بيصير عاااااادي والله يوفقك ويسخر لك زوجك يارب...

    اختك انت حبي

تابعي تجارب أخرى من هذا القسم.