ليش في نسوان عندهم هالثقة !

اولا نتفق ان
"الموضوع مو دعوة للاستسلام للفشل لان اي زواج حتى لو كان عن حب مجنون مستحيل يستمر لو ما كان فيه تضحية وصبر وتقبل لعيوب الشخص الاخر قبل ايجابياته وغض الطرف والمسامحة والعطاء واثارة اعجاب الطرف الاخر حتى لو شابت الرؤوس ومعرفة ان احنا انفسنا مو كاملين ولنا عيوب قبل مايكون لشريك الحياة عيوب"
"طبعا كلامي لاينطبق الا على الحالات المتطرفة الي يسودها الظلم سواء المادي او العنف الجسدي او النفسي او الخيانةالمتكررة و المعلنة للزوجة"

بعض الشخصيات عندها ثقة انها تقدر تغير الرجل مهما كان سيء وفاسد (لو يتزوجها وهو شايب اويقولها بوجه قوي انه يمشي مع بنات ليل او يعيش على قفاها حتى اجار مايدفع وهو قادر ومستطيع) ويظل عندها امل انها بتغيره وبيصير يحبها!!
رجل ماتزوج الا ومبادئ الاخلاق والدين تاسست عنده وشخصيته اكتملت وامه وابوه والمدرسة والمسجد والاصدقاء شكلوه وانتهى
سواء كان خلوق ولا حقير ولا مخادع اوطيب ابن حلال ويخاف الله
يعني مافي احتمال انه مايحبك بكل بساطة
او انه منحد عليكي لانه ماعنده يتزوج عليكي
او يبي عيال وحرية بدون زواج
او يبي واجهة قدام الناس متزوج ويلعب على كيفه
مافي ابدا حتمال ان زوجك انسان سيء
مو ممكن يكون مسيطر وسيكوباث مو غيور زي مانتي متصوره
اوانك تزوجتي الشخص الخطأ؟
الي تكون منحده عالشين وماعندها اختيار ثاني الا الصبر تنعذر تدري فيه بس الشكوى لله
بس الي يوريها نجوم الليل بعز الظهر ضرب وبخل وظلم ولسى صاملة ومقتنعه انها بالطبخ والتنظيف والصوت المنخفض والانجري والملابس الانيقة انها بتخليه يصير روميو او من اولياء الله الصالحين ؟!

42 تعليق 7,081 مشاهدة

شاركي في النقاش

سجلي الدخول لإضافة تعليق.

التعليقات

39
  1. @n_o_o_r_a

    والله يختك شفت عينات هنا بالمنتدى شئ الله المستعان تصبر على القهر بكل معنى الكلمه عشان ايش ما ادري
    وحده تقول زوجي يخوني جاها حل من احدى العضوات تقول خليه يتزوج 😂😂😂
    المرأه هي اللى تحدد طريقه تعامل الزوج معها اذا شافه مسالمه وتمشي جنب الحيط دعس عليها لاكن اذا خذت حقها بالمعروف رح يحترمها
    معلومه الرجل يكره المرأه الضعيفه
  2. فيهه حريم كثير غيرو ازواجهم
    من سكير وراعي نسوان ل رجال شهم وبالمسااجد
    وفيهه وحده اعرفهاا شخصياً كاان زوجها ادماااان ع الدخاان ويصلي ف البيت ومن خذاها تركهه والتززم وصلاته دوم ف المسجد
    سبحاان الله بعضهم ربي يسخره ل زوجتهه م شاء الله
    الله يرزق الاسلام

تابعي تجارب أخرى من هذا القسم.