تباشير2لحوامل شهر سبتمبر واكتوبر الغاليات🌹🌹🌹

ساعة الفرج من رب العالمين ما يحتاج لا محرضات ولا محفزات ولا شي فقط قراءة القرآن والادعيه وكلشي سهالات من رب العالمين

اي والله صادقه اذا ربك اراد شي صار من غير تدخلات كله بيد رب العالمين

ساعات البيبى بيضغط عالكبد بيعلى الانزيمات او عالمرارة وبتزيد املاح الصفراء فالجسم وبتعمل الحكة وبتكون غالبا فكف الايد والقدم بس انا عاملة المرارة وعملت اكتر من تحليل عشان اتطمن انه مفيش حصوات ولا سدد تانى والحمد لله

السلام عليكم .. حبيت اشارككم قصة ولادتي ..


قبل كم يوم بشرتكم والحمد لله على عطايا ربي بقدوم مولودتي وكنت وقتها تقريباً بالاسبوع 38 .. ايامي الاخيره بالحمل جد جد جد كنت حاسة بالثقل ودايم يقولون لي امشي وانا اقول لا ابد ما راح امشي واتعب نفسي ساعة الولاده والفرج من الله .. وكان زواج بنت اخوي قريب ودايم اقول لهم الله اعلم اولد قبل الزواج او احضره واهلي يقولون شكلك موصله .. المهم سبحان الله جات ليلة الزواج وبعدني ما ولدت جهزت عيالي وتجهزت ورحنا للصاله بس حقيقة حسيت بدا الم خفيف معاي قلت لا يمكن مثل كل مرة الم ويروح مع الراحه .. جلست ع الكرسي اتفرج ع العرس والمعازيم اغلبهم يسلم ويبارك وانا جالسه مكاني .. بعدها قلت خلاص شكلي تعبانه .. برجع الشقه وانا اصعد الدرج حسيت شي كب مني وادخل دورة المياه فعلاً لقيت دم وافرازات الولاده جلست قلت ممكن بس كذا لا بعدها حسيت بالم جامد قلت لا بس هذا الم الطلق بدا يشتغل .. بس بنتظر شويات ظليت اتألم الى اليوم الثاني الساعه اربع العصر حسيت ما عاد اتحمل رحت المستشفى وكشفت قالت 4 سم والطلق حامي ولكن البيبي لسه ما نزل بنعطيك ابره توقف الطلق .. وسوت تحليل هيموجلوبين لقته 7 قالت فوراً نعطيك دم .. لازم وحدتين عشان يرتفع ع الاقل لمن 9 .. فعلاً وقفت الطلق وحسيت هدأت شوي من الالم القوي وركبوا لي الدم .. وظلوا السسترات كل شوي يشيكون ع الضغط والتخطيط لمن سمعت اذان الفجر في اليوم الثاني وجلست اكرر اية وهزي اليك بجذع النخلة تساقط عليك رطباً جنياً واطلب من الله الفرج والسهالات ورجع الالم اشتد معايا بقوة بقوة ما عاد اقدر اتحمل شكله الابره راح مفعولها ومع كل طلقه ادعو الله بالتيسير والفرج .. لمن جات 9 الصباح سمعوني السسترات اتألم وااااجد وكأني اشد جاوا دخلوا علي دفعه وحده قالوا انتي تولدين ؟؟ تشدين لتحت قلت لهم مو قادرة بس عارفه ان ما بعد الولاده لان المويات ما كبت باندفاع قوي .. على طول كشفوا قالوا 8 سم ولاده ونادوا الدكتورة وكشفت قالت لسه البيبي فوق .. وفتحت لي الماي تقول ممكن ينزل فعلاً ممكن ربع او نص ساعة وحسيت بطلوووق قوويه وهم ماسكين يدي يبون يركبون لي الدم قلت لهم كلش ما فيني حيل تربطوني بمغذي ودم عضلاتي وقوتي كلها احسها ابي اجمعها للولاده .. قالت الدكتورة لازم دمك نازل والبيبي فوق ممكن نحولك عمليه قلت لها لا ان شاء الله طبيعي انا حاسته جالس ينزل واحس بدفع قوي قالت اكشف عليك كشفت وبدت تسحب تقول كل ما حسيتي بطلق ادفعي تحت واهي مدخله يدها تحبه فعلاً كان جدا جدا جدا مؤلم السحب ولكن الحمد للع دام فيه فرج الله يسهله .. شوي وقالت الدكتورة بدا ينزل البيبي يالله بس عليك كل مرة تحسين بالم تدفين والحمد لله فعلاً شديت مرة ومرتين وثلاث ...... الى ان اقبلت صغيرتي وسمعت صرخاتها التي نستي تعب تسع شهور والام طلق .. والحمد لله رب العالمين .

يالله ذكرتيني بولادتي الرحم فاتح وطلق بس محتمل وبنتي جالسه آخر شي عمليه سريع سريع الي تركب لي مغذي والي تحلق بطني والي تسحب دم ودخلت غرفه العمليات كنت خايفه بس توكلت على الله وكلها نص ساعه وشرفت بنتي وسمعت صراخها وارتحت الحمدلله الله يسهل على البقيه ويرزقهم الولاده السهله