قلبي يحترق من كلام زوجي وطبخي 😖😖

يابنااااااااااات قلبي يحترررق مقهوووره من زوجي
تخيلو راح يتعشاء عند واحد ويوم جاء انواع المدح في العشاء طبخ بيت طبعا وفي السلطات وطريقة التقديم مررره عاااجبته يقووول مابقى شي فالثلاجه الا حطته طبعا كان متعشي كبسه😔😔 وانا والكبسه مووو اصحاب والله دايمااا أسويها بس ماتكون لذيذة مافيها طعم حتى لون الرز مايجي لذيذ اصفر باهت من البهارات
انا اعرف اطبخ لكن الكبسه والأيدام ماااعرف له أحط بصل وطماط واكشن واضبط واخرتها خفيف وفيه بصل يطفح 😏😏
وووش اسوووي كيف اضبط الكبسه استخدم ابوكاس ووع فكره برياني الدجاج يطّلع معي مضبوووط ولذيذ بس الكبسه العاديه لا 😩😩
عاااااد زوجي يقول أوديك تتقضي للثلاجه وهذي آخرتها كبستك وحده <<<مع العلم اني أغير بطريقة الحمس والبهارات بس مافي فايده
فيدوووني بطريقه لذيذة او بهارات ممكن احصلها ببنده وطقتها

72 تعليق 12,704 مشاهدة

شاركي في النقاش

سجلي الدخول لإضافة تعليق.

التعليقات

66
  1. @myma25

    والله حتى انا كبستي لذيذه بس وحده ماحسها تتغير الا لما اسوي البرياني عشان بهاراته ومع الزنجبيل والثوم واللبن فعلا فيها طعم
    وانتي نوعي سوي صواني مو لازم كبسه
  2. @nd_77

    صاحبة الموضوع
    ميما25
    والله حتى انا كبستي لذيذه بس وحده ماحسها تتغير الا لما اسوي البرياني عشان بهاراته ومع الزنجبيل والثوم واللبن فعلا فيها طعم وانتي نوعي سوي صواني مو لازم كبسه
    طيب علميني طريقتك
    ووماعندي مشكله اذا بتضبط معي بعتمدها
    الكبسه شي أساسي مفضله عنده مايمر يومين الا وانا مسويتها
  3. @flornsya

    انا نفسج بس سرت اسوي طريقة للرز وصار زوجي واخته ينجنون عليها يقولون كانها من مطعم المهم اكشن طبعا واحط الدجاج والبهارات نفس طريقتج اللي دايم بس السر وين الرز مااكبسه على نفس الدجاج لا صرت اجيب قدر ثاني واقطع بصل كثير ناعم وزيت واخليه لحد مايصير ذهبي واحط ورق غار وفلفل حار وهيل وملح واحط الرز المنقع بدون مااظيف ماي واجلس احركه احركه عشان ياخذ طعم البصل والزيت يمكن احركه خمس دقايق على نار هاديه وبعدين اظيف ماي حار على حسب الكميه اللي انتي تبين وشوي من مرق الدجاج بس اكون مصفيه منه البصل والطماطم وغطي عليه وخليه يطبخ لحد مايستوي واذا بغيتي حطي فحم عشان ياخذ طعم المندي وبس
  4. @flornsya

    واي بعد جيبي شعريه وكسريها واحمسيها بزيت لحد ماتتحمر وبعدين حطيها على الرز اذا استوى وحركيه يطلع شكله يجنن

تابعي تجارب أخرى من هذا القسم.