قلبي يحترق من كلام زوجي وطبخي 😖😖

احمس الدجاج بالبصل وبعدها احد بهارات وملح ومعجون طماطم واقطع معاها بندوره واضغظها ربع ساعه وبعدها اصفي المويا من البصل والطماطم واحط الرز واحمر الدجاجه واحيان احط معاها قرع وبطاطس اذا موجود

السلام عليكم بشحن جوالي وراجعه بكتب لك طريقتي سهله ولذيذه بتدعين لي ان شاء الله

سلامت قلبك عزيزتي
لاتحرقي نفسك ولا هم يحزنون
كل وحدة عندها طبخات فنانة فيها
مثلا انا فنانة بالفتوشيني والباستا والايدامات والسليق
بس اية طبخة بالفرن ماتضبط معاي حتى الكفته الي تعتبر اسهل شي اجيب فيها العيد
لهالسبب عزيزتي لاتزعلي نفسك بسبب هالموضوع ببساطة انتي ماعندك تفنن بالكبسة مو معناته انك فاشلة بالطبخ أو مانتي سنعه لا عزيزتي كل مافي الموضوع ان الكبسة مو من طبخاتك المميزة
حاولي تتعلميها وتضبطيها بس اذا ماضبط معاكي الموضوع لاقدر الله لاتزعلي نفسك
واحس زوجك خق على طريقة التقديم أكثر من طعم الأكل نفسه
اتمنى اكون افدتك

اعجبتني طريقتك
ان شاءالله بسويها
يعطيك العافيه

احنا كبستنا لذيذه وسهله لاتطلعين الدجاج ولا غيره
تحطين زيت بالقدر لين ماتحسينه صار حار وتحطين الدجاج طبعا تكونين مقطعته ارباع وشايله الجلد ومنظفته زين وتحطينه على الززززيت الحار لين مايتحمر الدجاج ويصير مايل للبني واقلبي الدجاج للجهه الثانيه وخليها تتحمر واذا تحمر حطي البصل البصل لاتكثرين تكفي وحده وتخلينه تحمس لين ماتتشقر مو يحترق وبعدين حطي حبتين طماطم مفرومه ومعجون طماطم وبهارات ملعقة وفلفل اسود وملح وخلي لين ماتشوفين تسبك كويس وحطي مويتك طبعا مقاسي بالمويه كوب الرز له كوبين مويه وتكونين منقعه رزك قبل لاتبدين تقطيع الدجاج والرز مثلاً حطيتي كوبين حطي اربع اكواب مويه ونص على الدجاج عشان بنخلي الدجاج يستوي قبل لانحط الرز عليه وخلي الدجاج 15 دقيقه على نار متوسطه يطبخ واذا خلصت ال15 دقيقه حطي الرز بعد ماغسلتيه واذا المويه خلصت وطي النار مرررره وخليه يطبخ ربع ساعه وشوفي بعدين الرز استوى او لا واذا باقي مااستوى خليه بعد
وافضل رز باب الهند لذيذ حتى لو تسلقينه بمويه وملح وزيت لذذذيذ اكره ابو كااس😭
والبهارات مهران بس حاررره مره حطي ملعقه صغيره وان شاءالله فهمتي على شرحي