شوفي ياقلبي اول شي تسويه انك تروحي للعطار ومو اي عطار لا عطار يكون مشهور بالمنطقه الي انتي فيها واطلبي منه بهارات مشكله حب مو مطحوووونه اهم نقطه تكون مو مطحونه
لما تروحي البيت انتي اطحني منها على قد الي يكفي لثلاث اربع طبخات والباقي سكريه كويس واحفظيه
نجي للكبسه
جيبي القدر وحطي زيت وخليه لما يصير شوي حار تكوني مقطعه البصل اقطيع صغير حطيه عالزيت وحطي معهم قرنين فلفل حار وقرفه مو مطحوونه وقلبي كثييييييييييير لما يذبل البصل مو يحترق بعدها حطي معجون طماطم نصف العلبه تقريبا وقلبيه معاهم وحطي الدجاجه المقطعه نصفين معهم وكشنيها كويس بالبصل والمعجون وحطي عليها ملعقتين من البهارات الي طحنتيها وليمون اسود وحطي الموويا لما تتغطى الدجاجه طبعا لاتنسي الملح
الوقت الي تكون الدجاجه فيه عالنار انتي نقعي الرز حتى انا استخدم ابو كاس نقعيه بمويا دافي لما تستوي الدجاجه تاخذ تقريبا ربع ساعه
بعدها اذا حبيتي تطلعي الدجاجه وتحطيها بالفرن تتحمر يكون حلوو اذا ماحبيتي عادي مافي مشكله غسلي الرز المنقوع وحطيه بالقدر ووخليه لما يستوي لاترفعي النار بزياده ولاتوطيها خليها وسط لما يقرب يستوي وطيها عشان لايحترق ولاتضغطي الرز خليه عادي بدون ضغط
وبس
اذا حبيتي تتفنني بالتقديم سوي كشنه للرز تحطيها عالوجه تقطعي بصل مكعبات صغيره وتكشنيه بزيت قليل مرا مرا وتحطي معه حمص المعلب وشوية زبيب وقليل ليمون اسود مطحوون وبعد ماتغرفي الكبسه تحطي الكشنه عالوجه وبس
وبالعافيه عليكم
قلبي يحترق من كلام زوجي وطبخي 😖😖
متابعة النقاش، صفحة 6