غاليتي مون:
لا تطلبين الطلاق ولا شي
انتي توك عروس
وعادي لا تلومين زوجك
هو بعد عريس جديد و يمكن لسه
ما تعود يضبط اعصابه
و موضوع الفلوس موضوع حساس
لأي رجل مهما كان
تلقنى اعتقد انك تقولين لامك عن اموركم
المالية و اتضايق
واتوقع اكيد انك بتقولين له انها ما اسمعتك
واي كلام قال له وقت الغضب لا تعرينه
اي اهتمام هذا كلام الغضب
اللي الشيطان اعوذ بالله يوسوس للانسان
يقول اشياء يمكن ما تغطرعلى باله
لذلك رسولنا صلى الله عليه وسلم
اوصى بعدم الغضب
نصيحة من أخت
انسي الموضوع و دقي عليه
واعتذري
(ادري انك ما قلتي شي غلط)
بس معليه لازم نتنازل شوي عشان امورنا تمشي
وقوليه انك ما تتحملين زعله
و من هالكلام الحلو ( ما يحتاج اعلمك ههه)
وهو الان مسافر و اكيد انك ما ودك يكون متضايق
وهو بعيد عنك
صبريه بهالكلمتين الان
واذا رجع ان شاء الله بالسلامه
جلسي معاه و تناقشوا الموضوع بتفاهم
او قعدي معاه بمكان خارج المنزل مثل مطعم
وطلعي ورقة و قلم
وحطوا خطة ايش الاشياء اللي ما تبون
احد يدري عنها
والاسرار
وتتفقون على القائمة
وكذا انتي بتطلعين بريئة من الغلطة ( هو لقب بريئةههههه)
وهو بكون مطمن انك بتحفظين اسراره
وهو بعد بيحس انه كبر الموضوع
وان عنده زوجة حكيمة و تعرف تحل المشاكل
باسلوب مقنع
وصدقيني بتتعشون احلى عشوة
و بترجعون البيت مثل العصافير
و بتقضون احلى ليلة يا عروسة
والله يسعدك يا رب
و ترى المشاكل عاديه بين الزوج و زوجته
مشكلتنا اننا ما نقدر نعيش بدونهم هههههههه
وبقولك شي مهم جدا ((( ما في كرامة بين الزوج و زوجته)))
يعني حتى لو يغلط عليك ((( بس ما يكون هناك طرف ثالث حاضر)))
تنازلي شوي من كبريائك لزوجك الحبيب و حلي المشكلة
وصدقيني هو راح يتعلم منك هالشي
ولو سمح الله و يوم غلطتي عليه
راح يتنازل لانه بيتذكر تنازلاتك من اجله
والله يوفقك
تحياتي
عروسة مكتئبة ساعدوني الله يوفقكم....
متابعة النقاش، صفحة 2
