زوجات المعدد أولى أو ثانية حياكم ...

والله التعدد وشرع الله مافيه شي لكن البلا في الرجال اللي ماعندهم عدل ويعطي كل وحده حقها والبلا في بعض الحريم اللي تبي تأخذ حقها وحق الثانيه عشان كذا ريحي رأسك انتي وإياها اذا زوجي يبي يعدد بسلامته يطلقني وياخذ عشره لو يبي لكن انا ماراح اتعب وادمر نفسيتي عشان حضرته لو يحبني ما جاب وحده فوق راسي خلاص انتهى دوري انسحب ويشبع في الحريم اما شغلة منافسه وانافسها وهو ماخذ وضعية الامير لا والله الله لايحدني انا ماتزوجت عشان ادخل منافسه ولا اتعب انا تزوجت عشان استقر وارتاح

اقصد ام ايتام مش ايتام
ارملة وعندها اولاد
اللحين حتى اللي ياخذ ارملة مايخليها تجيب عيالها لبيته

سبحان الله انتي انسانه ثقيلة دم

مثل ماتوقعت طلع الموضوع تافه وماله هدف حتى الاسئلة سخيفه ومهي بمحلها عشان الكل يستفيد

يا عيني عليك،،،🖒

أنا عزباء و بأول عمري ولله الحمد
لكن معك قلبا وقالبا، يااختي الوحده تحقد على الزوجه الثانيه
و كأن الزوجه الثانيه هي اللي فتنت زوجها و خطفته من بيتها
اذا زوجك يشوف انه مو مكتفي منك و يشوف انه يميل لغيرك من النساء
فالشرع أباح له التعدد حتى ما يطيح بالحرام

و لو الشرع على رغبة الحريم،
كان أباحت الزنى و الخيانه و لا تبيح التعدد



والدليل ردود الكثير على اللي تكتشف خيانة زوجها بأن " ذنبه عليه اتركيه براحته"
و لو قالت زوجي بيتزوج" تجمع قطيع من خرابات البيوت و قالوا اتركي البيت و هددي و اعملي و سوي، و فوق هذا يتهمن الزوجه الثانيه
انها خرابة بيوت!!!!

اذا زوجك راح يدقدق بيوت خلق الله و يلفها كلها عشان يلقى اللي تقبل به
هي وش ذنبها اذا مطلقه و الا ارمله و عندها اطفال ،و ماعندها احد يقوم فيها
(لأن ما تقبل بمعدد غير اللي ظروفها حدتها)

وبعيدا عن ادعاء المثاليه الكاذبه، الزوجه
الأولى لو كانت مطلقه او ارمله متقدم بها العمر
بتوافق على المعدد وهي تضحك🙃


والمضحك اللي تقول " التعدد كله سلبيات
يا اختي خافي ربك، أنا تعقدت من الزواج
من كثر مااقرا من خيانات زوجيه و قلة أدب و احترام
كللللللها من " موحد" لا معدد
بالعكس المعدد مكتفي بالحلال عن الخيانه
و اكيد فيه شواذ عن القاعده
لكن كل السلبيات اللي اقراها من زوجات موحدين!! الحمدلله الذي عافانا


الشئ المثير للسخريه ما قاله البعض:
" ان الزوجه الثانيه هي لحاجه جنسيه فقط
و انه من المقرف تقديم الحاجه الجنسيه على الغريزه العاطفيه"

هههههه على اساس انه تزوج الأولى بعد قصة حب يروي به العاطفه
مو عشان يعف نفسه" الحاجه الجنسيه"

ترى تزوج الثانيه لنفس الغرض اللي تزوج لأجله الأولى
و بيخلف عيال من الثانيه مثل ما خلف من الأولى
و انتي و اياها عينين براس بالنسبه لزوجكم
هذا الواقع " حتى لو الزوج راح عند كل وحده
من زوجاته و قال انتي الغاليه و انتي و انتي...


الشئ اللي أنا مقتنعه فيه،،،
أن لو اي رجل يحصل له انه يعدد، بيعدد
وهل يوجد رجل يكره النساء؟!!
طبعا لا، الا اذا كان غير طبيعي

ومثل ما قالت احد الاخوات، لا يوجد رجل زاهد بالنساء
ما كان جعل الله الحور العين من نعيم الجنه
للرجال

و ما كان قال الرسول عليه الصلاة والسلام
( ما رأيت من ناقصات عقل ودين ، أذهب للب الرجل الحازم ، من إحداكن يا معشر النساء ) .

الرجل الحازم الصارم ببيته على زوجته و عياله
لو حصل له زوجه ثانيه، بيرفرف قلبه ويتشبب
عشان👈المرأه


واخيرا ،،،
اكيد مافيه وحده ترضى ان زوجها يتزوج عليها
لكن أضعف الإيمان أنك تمسكين أصابعك و لسانك عن التعدي على شرع الله
لأن كل ما تكتبينه شاهد عليك،
و تكسبين ذنب👈يجيب لك الهم 👈و يتزوج عليك زوجك😊

ارضي ربك عشان ربك يرضيك🌸