دلوني على طبيبة فاهمة،دورتي منقطعه وابي علاج

السلام عليكم
تكفون بنات وربي حالتي حالة تركت مانع الحمل من زمااان ، ولي أكثر من سنتين والدورة ماتنزل الا لما آخذ حبوب ، الان طنشت ولا اخذت شيء ولي ثلاث شهور ماشفت دورة ، المصيبة ان الدكتورة اللي اروح لها تقول اني سليمة ومافيني شيء وكل تحاليلي طبيعية والاشعة تبين ان ماعندي مشاكل، اقول لها طيب ليش ماتجيني الدورة تقول السبب مجهول.
طيب وبعدين الى متى ، علما اني رحت لثلاث دكتورات وكلهم يقولون مافيك شيء، كل انواااااع العلاجات الشعبية جربتها ،البردقوش والمرامية والقسط الهندي والشمر واليانسون وخلطة عيون الوليد والاناناس والرقيم وموية زمزم ،حتى الكلوميد بلعته من راسي قبل رمضان والى يومكم لاحملت ولاجتني الدورة ، هل فيه احد مر بهالحالة ،عطوني اسم تحاليل ممكن اسويها وتعطيني جواب لحالتي
علما اني مو سمينة واكلي صحي واعمل رياضة ونفسيتي تمام يارب لك الحمد.




السؤال الاهم هل تعرفون طبيبةشاطرة وفاهمة في هالامور ،ما ابي دكتورة متابعة حمل ،ماتفهم بحالتي مثل اللي اروح لها ابي طبيبة تعرف وش علتي ، اقسم بالله لدعي لكم بسجودي انا بحال ربي العالم بها ،بس اتمنى اكون طبيعية وتنزل علي الدورة مثل قبل، لاني كانت دورتي من كنت بنت وهي منتظمة جدا جدا .