زوجك يجري وراء رزقة اغلب الازواج في بداية حياتهم الوضع يصير صعب شوي هدي نفسك والاتدخلين معاه في نق وحنة ولوم وعتاب بيهج منك هو شقيان تعبان يبغى يااقي بيت هادي وزوجة صبورة انتي استغلي هالفراغ الكبير واشغلي نفسك بشئ تحبينة واذا تقتبلتو اخر اليوم بتكونو مشتاقين لبعض وكمان تدورون الهدوء والروقان عكس لمى تكوني فاضية وطول اليوم تنتظرين واخرتها تنقهرين انه ماهو فاضي لك اشغلي نفسك وانبسطي هي مرحلة وتتعودين
يعني ماهو ساحب عليك ورايح لغيرك او رايح يستانس وينبسط
انتي حطي نفسك مكانه طول الوقت شغل حتى وقت لنفسه مافي ويرجع البيت يشوفك ماده بوزك شبرين ومطنقره وتتشكين من تقصيره اكيد بيزعل ويعصب
زوجك واضح انه يحس بالمسؤليه اتجاهك واتجاه اطفاله وكل ماجبتي طفل جديد اكيد بيحتاج مصروف زياده وزوجك شايل هم هذا الشي
يعني ابسط واتفه شي تسوينه كزوجه انك تقدرين هذا التعب وتستقبلينه بكلمه حلوه وتصبرين الى ان ربي يفرجها عليكم ويوسع لكم في رزقكم .
حاولي تضبطين جدولك ويومك الوقت اللي يرجع البيت اجلسي سولفي معه وتقهوي طلعي اللي بخاطرك من مشاعر تدلعي ودلعيه معاك خليه يشتاق يخلص شغل ويجيك البيت طيران
لا تخلينه يندم ويلعن الساعه اللي تزوجك فيها وتحت الضغط والتعب يتخلى عنكم عشان يرتاح .
صدقيني انتي احسن من غيرك بكثير على الاقل زوجك يرجع البيت اخر اليوم ينام عندك ووقت الاكل يجي يقابلك وياكل معك واذا طلع وانشغل يكون انشغاله عشانكم مايروح يلعب ويدشر وينبسط