شاركي في النقاش

سجلي الدخول لإضافة تعليق.

التعليقات

2,088

  5. @am_alahbh_1

    السلام عليكم حبيبااااتي ..
    كيفكم .. اسال الله العظيم انه ييسر لكل اللي ماولدوا ويقومهم بالسلامه ويحسوا بالرشاااقه ..
    الاكشن ...
    طبعا انا قلت لكم ان زوجي بيسافر لدوامه وشلت هم انه تجيني ولاده وهو مو موجوود.. قبل سفره بيومين رحت امشي بالحديقه ومشيت كثير ورجعت وفيني تعب طول اليوم وبالليل عاديواليوم اللي بعده سافر زوجي العصر وبالليل حركه الجنين جدا كثيره وقويه استغربت ونمت وقمت اصلي الصباح ونمت وحسيت ببطني زي صوت الفقاعه بعد رفسه من المحروس قويه بسم الله وش ذا ونمت وصحيت بعدها بساعه ورحت الحمام الا مووويه الجنين نزللت كاني فاتحه مووويه تفجع رجولي تعدمت والبيت ياربي سترك وكل ماامشي تنكب اكثر .. يالله زوجي مسافر ولاعندي احد بنااات الله لايحطكم بموقفي خوف ورجفه وتعب وادق على الخلق ابي احد يجيني لاحياه لمن تنادي .. وبعدها بفتره رد علي ولد اخو زوجي ياربي لك الحمد وطيران على المشفى ..
    طبعا خاااص وكنت ابي دكتوره معينه ولا لقيتها وتوكلت ودخلت عند الموجوده وخلتني امشي عشان يتحرك الطلق طبعا جيتهم الساعه سبعه وفجاه توقف على ثمانيه ساعتين ونص ولازاد قالت عنق الرحم سميك لان المويه نزلت كثير وفرجها ربي وولدت على 12 ..
    يارب لك الحمد ولك الشكر يابنات ربي لطيف بعباده لاتشيلون هم الولاده الله يفرجها من عنده ...
    عاااد بعد الولاده بغيت انجن من الخيياطه وانا طالعه من الكشك كانت وحده حاطه دهن عود كان المفروض اخذ مر واشربه بس من التعب مااخذت ..
    الم موطبيعي ولاكاني اخذ مسكن ومضاااد وجلست لليوم الثاني الساعه عشره ولافيه نوم جاتني الدكتوره وتقول عادي حطي مرهم وبتخفين وربي ولاكاني اسوي شي كانها ولاده اتقلب يمين ويسار واتاوه مو معقول ماله دواء ..
    تخيلو بكمل نص اليوم الثاني لانوم ولاراحه . الخياطه متنفخه وهم يشوفونها عادي وانا الالم ذبحني رجولي صارت مسخنه وتالمني جسمي فيه تعب .واتذكر كلام الوالده الله يطول بعمرها اذا المت الخياطه توضي بمرر.. بعد الله يابنااات سحر بعد ماتوضيت بربع ساعه حسيت بالعافيه ونمت يالله كاني ولدت مره ثاني .
    يارب لك الحمد طلع عندي شمم الجرح شام ..
    نصيحه خليه بشنطتك ..
    وقدامكم الولاده السهله بذن الله ..
    وخلوها على ربي واهم شي الدعااااااء والاستغفار والصلاه على النبي ..