مرحبا فرفوووشة
انا رايي مختلف عن الكل مع احترامي لهم ومتأكده ان كل اجاباتهم انتي عارفتها وحافظتها من كثر ماتسمعينها ومتأكده انها مو الاجابات الي تنتظريها..
شوفي ياقلبي انتي ماقصرتي صبرتي وتألمتي وحاولتي ووقفتي مع زوجك 10 سنوات ضاعت من عمرك وماهي هينه خصوصا ان المرأة قدرتها ع الانجاب محدوده بعمر ..
اشوف انك ماقصرتي ومافيه مخلوق يقدر يلومك لوقلتي ابي طفل اضمه بيكون ظالم ومايخاف ربه .. الأمومة فطرة وضمه طفل وضحكته تسوى الدنيا ومافيها
مررره كلامك يقطع القلب ليه تسوين بنفسك كذا اذا موقادرة تكملين بدون طفل وهذا الفطرة الي مايقدر مخلوق يكذبها ويلومك عليها خلاص شوفي حياتك لوكان الوضع العكس صدقيني ماراح يصبر عارفه صعبه وعشرة عمر وراحمة زوجك بس حقك وانتي صبرتي مافيه الكفاية فيه ناس عادي تقدر تعيش بدون طفل وتضحي يقدرون اوك
بس انتي من كلامك باين خلاص بتنهارين بكرا تجيك امراض نفسيه وجسدية على هالضغوط الي متحملتها لوكان فيه امل بالعلاج قلنا تحملي بس 10 سنوات موهينه لحقي ع عمرك والله شعور الامومة اذا ربي عطاك وبتتذكرين كلامي يستاهل اي قرار ممكن تتخذينه علشانه مهما كان صعب اكلمك وانا ام لبنت وحامل بفضل الله بس تزوجة بعمر متأخر وماتتخيلين فرحتي ببنتي يوم جبتها يارب لاتحرم كل مشتاق لطفل..
استخيري وادعي الله ووكليه امرك وشوفي مصلحتك وين وتوكلي ع الله
وصدقني زوجك ماراح يضيعه رب رحيم يمكن يتزوج ارمله واولادها يكونون له مثل عياله واحسن ياما سمعنا قصص كذا..
بالنهاية هذا رأيي وانتي مفروض الي تقررين بعد استخاره الله ومشاورة امك الي اشوفها اكثر انسانه بتنصحك صح بهالموضوع ..
وتذكري (لايكلف الله نفسا" الا وسعها )
الله يختار لك مافيه خير ويفرح قلبك ياكريم .
تجمع الأمل (95) للمقدمات على عملية أطفال الأنابيب والمنتظرات نتيجة التحليل
متابعة النقاش، صفحة 331