حياتي تغيرت 360 درجة ادخلوا شوفوا شو السبب

بناات انا قبل كذا كتبتلكم مشكلتي اللي اتمنى من كل قلبي ارتاااااح منها تخيلوا انا من صف سااابع *اول متوسط* وانا ما شاء الله علي لا أغااني ومحافظة ع الصلواات ولا اشوف افلام وبرامج محرمة وملتزمة ما شاء الله ودايم عندي خوف اني اكون مقصرة بحق ربي، بس اول ما دخلت الجامعة بدأت اتغير صرت افتر عن بعض الصلوات ومع تطور الأمر صرت احيانا ما اصلي ولا صلاة وصرت اخذ ديون وما ارجعها وما صار عندي ضميير من ناحية الدين احس خلاص حياتي اتدمرت والأسوء من كذا فطرت يوم برمضاان وهذا الشي كان بالنسبة لي مستحيل،، ما اتوقعت بيوم من الأيام اصير كذا وما كنت اقول اللهم ثبتني على ذكرك وشكرك وحسن عبادتك كنت اقول مستحيل اتغير مستحيل اترك صلاتي مستحيل اسمع اغاني أو اشوف افلام محرمة والآن يوم بعد يوم وانا ابتعد اكثر واكثر واغرق في المعااصي اكثر واكثر جربت اسمع للشيوخ واشوف قيديوهات يمكن اتأثر فيني لكن للأسف ماااات ضميري ما عاد عندي احساس ،، التزم يوم يومين بعدين اررجع لحالتي السيئة، وكلما عزمت ارجع لربي في شي يردعني وهو خوفي اني اتباهى أمام الناس بأني رجعت انسانة صالحة أو انو تكون توبتي ريااء بس عشان الناس تمدحني وتقول ما شاء الله عليها ملتزمة،، ابى منكم نصيحة وش الحل وش اسوي عطوني كلمة كلمتين ترجع ضميري الميت والله اني متضااااااايقة وكل ما حد يذكر سيرة الصلاة قدامي ادمع وابكي لما اتذكر كيف كنت اصلي وكيف صررت والله والله والله وديي ارجع مثل مااا كنت لكن مو قادرة فيني كسل وخايفة يكون صلاتي وكل عباداتي ريااااااء.