💜🍼التجمع (4) لحوامل يناير وفبراير2017 💜🍼

السلام عليكم كيفكم كروشات اليوم كان موعدي بعد التحاليل قال الدكتور ارجعي استخدمي الفوليك مع الحديد سألته اذا في شي قال لا التحاليل سليمه أحد عنده خلفيه الفوليك يستخدم في الشهر السادس ولا لا

انتِ متأكده انك تتكلمين عن نفسك ؟
كأنك تتكلمين عني 😩
الناس ميته من الحر والرطوبة وانا عاااادي
شعري ناااشف بشكل مو طبيعي مع إن طبيعة شعري ناعم
وكثير متغير علي بحملي هذا مع إن ببكري كان يلمع ويجنن
_________________
بس تدرين .. غلطتي اني تكلمت قدام وحده من اهل زوجي قلت لها من بداية حملي احس شعري بهذا الحمل نااااشف وانا عارفه ان من الحمل
لما شفتها بعد شهرين وبمجلس حريم تكلمت قالت يعععع ياهنىو شعرك صاير باهت وأملح ويفشل !!
قلت لها هذا من الحمل وانا راضية فيه واصلا لما اولد بيتساقط فليش ازعل وهذا كله من الحمل والولاده انا مكبره عقلي ومو شاغله نفسي بشعري
قالت : بس مررره منعدم
وهو ولا منعدم ولاشيء النشفان محد يحس فيه غيري باللمس !! لكن لأني قلت لها من قبل وهذه غلطتي
احس ماكان عندها سوالف وقعدت تعلق علي
حتى تقول شلون مافيك بطن
مع اني مأخره عمر حملي قدامهم شهر علشان مايحسبون لي
بس مانفتك من تعليقاتهم والمشكلة قدااام مجموعة حريم 😅
اطنش واسلك لهم واهم شيء اضحك وابتسم ولا اغث نفسي قدامهم

برنسية .. الف حمد وشكر لك يارب
الله يفرحك بولاة جنينك بالسلامة يارب
وتضايقت صراحة من سوالف الحكومة اختي الكبيرة نفس كلامك تقول يضربون مع ان هم مسمينهم ملائكة الرحمة .. حسبي الله عليهم مايستحقون هذا اللقب 😒👊🏼
_______________
كيك ونجمة .. وش اقول وش احكي هذا اليوم الثاني اللي احس بحركات جنيني قليلة وخفيفه
لأني قبلها كنت بيني وبين نفسي متضايقة من كثر مايتحرك واحس فيه بشكل قوي
بس ماتكلمت لالنفسي ولا لأحد وياحبيبي بطل يتحرك وانشغل خاطري عليه ..
كلها وساوس ان شاء الله انهم بخير وعافية بس نايمين والله اني اتعوذ من الشيطان واطمن قابي زي ما اسوي دايمًا .
_________
مييونه .. الف سلامة عليك يارب ماتشوفين شر قدامك العافيه ياقلبي
انتبهي على نفسك وصحتك ىربي يكتب لك كل خير .. ❤❤

عادي ياعمري لاتحاتين
يمكن دمك نازل شوية ومايبي يشغل لك بالك .
لاتحاتين 😚💕

سلامتك الف سلامة عليك يارب
جربي حطي فيكس على حلقك وتغطي ودفي نفسك زييين
وخذي لك كوب ماء دافئ مع عصير نصف ليمونة وملعقة عسل

والله يكتب لك العافية