💜🍼التجمع (4) لحوامل يناير وفبراير2017 💜🍼

انا سبحان الله هالحمل غير احس اني حرانه واتعرق بشكل غريب لدرجة ان اللي حولي يلاحظ
ومعليش قريبتك هذي وش تحس صدق وقحه والله لوني مكانك لاعطيه كلمتين ماتنساها خير الحوامل يختلفون وهذا الحمل وشي طارء عليك ياربي بعضهم ماتصدق تلاقي طريق عليك عشان تشتغل فيك انتبهي من هالاشكال لا توضحين لها شي مهما كنتي متضايقه منه والله يعينك عليها

كتبت كلام وطار جنني المنتدى فجاءه تتغير الصفحه عطوني حل صرت اكره اشارك بسبته

شلونكم بنات؟
مرتفع ضغطي من المنتدى ..
المهم ماعلينا اليوم تاكدت انه ولد الله يجيبه بالسلامه ..
ويرزقني فيه كامل متعافي بلا زياده او نقصان ..
التعرق حتى انا اعاني منه اتوقع من هرمونات الحمل نحس بالحر حتى لو الحو زوين الله يسهل علينا..

والله حشمت الكبار واحترمت نفسي وإلا كان ودي افشلها وانا شخصيًا ما أحب أعلق على الشكل لأنه حقيقي عيب ..
وكنت اقدر أرد عليها لأن هي بحملها تنعدم بشرتها ووجها يصير بقع بنيه ومع ذلك ولابحياتي ضايقتها أو علقت حتى ..

يعني بكل بساطة كنت أملك رد يسكتها ويفشلها بإني اقول ينعدم شعري ولايبقع وجهي واقعد سنين اعالج فيه 😅💔

بس عييييييب علي مو من طبعي ما اتخيل نفسي اقول كذا وقدام الكل يكفي هي عارفه هالشيء بينها وبين نفسها وبعد أخاف ربي يبتليني بعيد الشر .
أهم شيء اني اطنش واحسسها إنها ماقدرت تستفزني وابتسم واضحك واتكلم عادي

سڤانا الف مبروك الولد
ربي يتمم عليك بخير وصحة
وتفرحين بشوفته بالسلامة


ماشاء الله احس الأولاد كثير بتجمعنا 🙊❤❤
يللا ندور اسماء ونساعد بعض 😍


بالنسبة للمنتدى انا اعاني من نفس الموضوع لو اضطر اكتب رد لوحده من البنات يرجعني لاخر صفحة وما اكون عارفة وين وصلت واقعد احووووس
احيانا اقرأ الردود كلها بعدين ارد
بس والله بعض المرات اتحمس وارد على طول واتوهق 🚶🏻