عاداتكم الي متستغنون عنها ...

السلام عليكم
بنات شنو تسوين شي وأصبح عادة عندك لايمكن تستغنين عنها
سواء بامور نظافه البيت او أمور دينيه وحياتيه بكل جوانبها
انا ببدا اقولكم وبي كل وحده تذكر لنا شنو شي تسويه وأصبح عندها
عادة لا يمكن تستغني عنها
بالنسبه لي عندي عادة بدئه فيها وصارل لها سنين ولا يمكن اتركها
ماطلع من البيت الا أقول
بِسْم الله توكلت على الله لا حول ولا قوة الا بالله
مستحيل اتركها احس اني تبرمجت عليها
واذا عندي مراجعه الصبح بالليل اجهز اوراقي
وعباتي وشنطتي وكل شغلي جاهز بس أقوم وتوضي وصلي
والبس كل شي جاهز تعودت اجهز أمور طلعتي قبلها بالليل ورتحت وخصوصن مراجعات
الصبح او مستشفي وغيره


وبعد قبل انام لازم ادق على اخلي واخواني عشان انام مرتاحة من النوع
الي آحاتي وفكر واذا تأكد كل الأمور زينه نمت طبع شين ومتعب
بس شسوي صار عادة وقلق الا أكلمهم
ومن عاداتي الحلوة بعد
دايم اقول كلمه ماشاء الله اي شي اشوفة ويعجبني
اقول ماشاء الله
ودايم أردد الحمد الله يارب لك الحمد وانا بفراشي
استشعر فضل الله على وتذكر كل شي حلو بحياتي واحمد الله عليه
واذا بطلع مشوار او مكان اكل احس اذا ماكليت بتعب ماقدر اكمل المشوار
عادات شسوي 😓
وفي طبع غريب عجيب
لازم أسكر كل الدروج والكبتات مستحيل اقدر اقعد وفي
بالبيت درج مفتوح ولا باب كبت مفتوح هذا اغرب طبع
عجزت أفسره 😂
وبعد كنت استخدم كلينكس بعد ماستخدم
دورة المياه صارلي كم سنه استخدم ونشف بفوطه وتعودت
على التنشيف بالفوطة ولا يمكن استغني عنها
واذا بطبخ غدا بكره لازم اطلع اللحم او الدجاج من بالليل
قبل انام مباشره ألاقيه فاك وسهل التقطيع
يالله كل وحدة تقول شنو عاداتها الحلوه الي ماتستغني عنها
وتحس انها فعلن مميزه فيها والكل يمدح فيها وبطريقتها
واذا تذكرت شي بضيفه
انتظر ردودكم