عاداتكم الي متستغنون عنها ...

عاداتي اللي متعودة عليها بين فترة وفترة اسوي دايت ورياضة ولازم اسوي اهتمام بجسمي واعتني فية

رفع

مساء الخير بنات
انا من عاداتي طبعا وعادة كل وحده فينا تنظيف البيت اليومي 😓
عندي عادة قبل ما انام اريح راسي شوي واصفيه من الافكار و استرجع وش سويت من الصباح الين الليل من تصرفات او كلام او مشاجرات واشوف انا صح ولا غلط لان الانسان في لحظه الغضب يشوف نفسه دايم صح 👎🏻
وعندي عاده اكيد عند كل امراه اللي هي احب اجهز قبل المناسبه سوا كنت باطلع لناس او للسوق اجهز نفسي واطفالي واغراضهم او حتى كانت عندي عزومة وكنت عارفة قبلها اجهز جميع المستلزمات عشان ما انحوس بالمطبخ خصوصا ما عندي شغاله ولا بنات كبار يساعدوني 😄




وايضا من عاداتي اللي ما استغنى عنها لما اقوم الصباح وافرش اسناني واغسل وجهي احط ميك اب صباحي خفيف جدا عبارا عن الروج السحري يجنن يبين كانك طبيعيه ومو حاطه شي واحدد حواجبي ومسكارا بسسسس وتطلعين بسيطه وماهي مضره كل هالاشياء 🌹🌹


وعندي عاده احبها فيني اني وانا اشتغل في شي في البيت احط في بالي وش الشي اللي بسويه بعده مثلا كنت اغسل الاواني اقول في خاطري بعدها باروح للملابس وبعدين لما اكون عند الملابس اقول في خاطري بعد ما اخلص باروح اسوي كذا وكذا وهكذا عشان ما انسى شئ


واذا تذكرت شي رجعت لكم

من عاداتي اني دايم اواعد نفسي اذا جت الدوامات راح استغل الفتره الصباحية واكون نشيطة واطلع بالحوش واتنفس هواء الفجر
لكن بالاخير تلقيني متأخرة مايمدي ولا تسريحتي خربت وماني قادره اضبطها


..

• انا كل فتره وفتره اقابل ناس جدد ومن عاداتي لما اقابل ناس جدد اتحمس بداخلي حيل واتخيل اني بكون انا وياهم صحبة حلوه واعيش ذاك اليوم من اسعد الناس لكن مجرد ماينتهي المشروع اللي بيننا تتنتهي العلاقة " ادعولي بالرفقه الصالحة بالله عليكم ❤

من عاداتي اني دايم ضميري ميت ولو عندي بعد شوي زواج كبير ما اتجهز الا اذا بقى وقت قليل واخرتها تروح ببكاء لاني متأخره واخاف يمشون عني