مين حجت قبل تدخل بالله

انصحكم لايغركم جلسات الحريم والهروج
استغلو بالعبادة وقراءة القران والاستغفار
وعدم الغيبة ابدا
واستغلال يوم عرفة بالدعاء واستقبال القبلة وقراءة ادعية يوم عرفة والدعاء
انا حجيت بس كنت تعبانة في الحج واخذ علاجات سببت لي هبوط شديد بالضغط


يارب يتقبل


تثقفو عن الحج واسمعو محاضرات
اتمنى ارجع احج بصحة وعافية علشان استغل الوقت بالعبادة

رفع

في تويتر هاشتاق #نصيحة_للحاج

فيه نصائح مفيده

نصيحه من الحين ابدي امشي كل يوم لو ربع ساعه عشان تمرنين جسمك ويتعود
والحج ربي يسهله وتراه ممتع جدا واستغليه بقراءة القرآ والذكر والتسبيح والتهليل وفيه بعض البنات ختموا القرآن ولا تنشغلين بالسوالف مع الحريم
ويوم عرفه من بعد الظهر الدعاء الدعاء ادعي كل اللي في قلبك وفيه مطويات فيها ادعيه منوعه وخذي لك مطويات وزاره الشوون الاسلاميه مطلعه نشرات عالحج وتطبيق اتوقع اسمه مناسك مرره مفيده واذا مع الحمله داعيه بتفيدكم ان شاء الله واسأليها عن كل اللي تبينه
ونومي زين قبل السفر لا تروحين مرهقه بعدين تتعبين
والبسي تحت لبسك شورت لين الركبه عشان الاحتكاك
واكتبي في النت وبيفيدونك الناس بتجاربهم
واي شي تبينه عالخاص
والله يسهل حجك وييسر امرك وادعي لنا والله يوفقك

لله ييسر لنا ولكم ويوفقنا للعبادة ويتقبلها منا، بإذن الله راح احج هذا العام،، والحقيقة احساس الكركبة حتى أنا احس فيه ،قرأت مواضيع عن التجهيز للحج واستفدت منها ، يبقى بإذن الله نصفي الذهن ونحسن النية ونتسامح من اللي حولنا ،، ونركز في العبادة نحاول نبعد عن المشتتات والله يحمينا ويحفظنا ويتقبل منا