السلام عليكم ورحمة الله وبركاته ..
كيف حالكم ان شاء الله بخير!!
هذي اول مشاركه لي في المنتدى ابي اسألكم فيها عن اعراض الكيماوي الله يشفي مرضانا ومرضى المسلمين ويخفف عنهم ويكتب لهم الأجر يارب
امي عندها سرطان في القولون واستأصلت الورم وقرروا لها 12 جلسة كيماوي كل اسبوعين جلسه مدة الجلسه 48 ساعه 😔
الأحد اللي فات كانت اول جلسه لها حست بتنمّل بأطرافها وارهاق وغثيان وقت الجلسه وبعد ماخلصت الجرعه بيوم بدأ يألمها بطنها يومين وتحس بثقل ووجع في البطن .. راحت للمستشفى وقالوا كل شي سليم يمكن من اعراض الكيماوي 😶 اخذت مسكن وارتاحت احسن ورجعت ، امس خف الالم واليوم رجع مره ثانيه ودكتورها مانعها تأخذ اي مسكن من كيفها ولاصرف لها مسكن .. والمشكله تروح للطوارئ وتجلس بالساعات واخر شي تسأل الدكتور المناوب هل ألم البطن طبيعي بعد جرعة الكيماوي يقول مدري يمكن طبيعي !!
قلت صدق من قال اسأل مجرب ولا تسأل طبيب ..
هل آلام المعده وثقلها طبيعيه بعد جرعة الكيماوي او لا؟؟
شاركي في النقاش
سجلي الدخول لإضافة تعليق.
التعليقات
5- اختي لازم امك تتدخل ع نفس دكتورها حتى لو بدون موعد او لو احد من اخوانك يروح له في اي وقت ويساله هل طبيعي او لا
اسأل الله العظيم رب العرش العظيم ان يشفيها عاجلا غير آجل ياكريم ويخليها لكم ولا يوريكم فيها مكروه
وطمنينا عليها حبيبتي - حبيبتي تسلمين ، راحت للمستشفى وباليالله صرفوا لها مسكن ورجعت يومين تعبانه من بطنها والحمدلله احسن الحين الله يشفيها يارب ويشفي مرضى المسلمين ولايوريكم مكروه في انفسكم وفي احبابكم
- سلامتها الغالية ان شالله ماتشوف شر وان شالله ربي يمن عليها بالشفاء ....اختي تسكين الالم ابسط حقوق مريض السرطان بكل دول العالم خليها تروح وتشرح لهم ان الالم فظيع ومجبورين يعطوها مسكن قوي ابسط حقوقها وان شالله شفاء قريب
- امي صرفوا لها ادويه للمعده والغثيان تاكلهم قبل الاكل
بس يمكن من حاله لحاله يختلف
الله يشفيهم ويشفي مرضى المسلمين اجمعين - شفاها الله متعها بالصحة والعافية
فيه علاجات تصرف لها من قبل الدكتور خليها تدوام عليها الله ينفع بها
مواضيع مشابهة
تابعي تجارب أخرى من هذا القسم.