تمنيته ويوم صار ندمت

احنا دايم نشتري رد تاغ حتى اوقات الزنقه
لا وبعد احيان نكون مره مزنوقين واشتري من نيويوركر تيشيرت ب اربعين واحيان يجي تيشيرتين عرض ب خمسين
وانسق لبسي وحمدلله من احسن مايكون ..
اللبس الحلو مايحتاج فلوس واجده يحتاج ذوق وشوي تنسيق تطلعين بأحلى لوك .. مو مهم سعر الملابس المهم شكلها وذوقك فيها ..
مو مهم كل طلعه مع اهلك لازم لبس جديد
تقدرين تغيرين بالتيشيرت وتلبسين نفس البلوزه المفتوحه من فوق وتغيرين مره تلبسينها مع سكارف ومره مع تنوره ومره مع بنطلون ..
فيه ناس ماتدخل المول ولا تعرفه وملابسهم من السوق الشعبي او البسطه وعايشين مبسوطين لان عندهم رضى داخلي ونفسي ..
انا ملاحظه بمواضيعك كلها نظرتك سلبيه لنفسك ولحياتك كل شي سلبي وتنقدينه واذكر تقولين كني عجوز الي يشوفني مب على عمري
طيب انتي تغيري داخليا عشان ينعكس هالشي ع نفسك .. فلي شعرك يوم جدليه وفكيه يوم استشوريه نوعي بغداك حطي كحله بخي عطر يفرق نفسيتك قسم بالله
وابي اقولك اغلب الشعب الحين موب لاقي يدفع ماركات الي يقدر عالماركات او يبيهم يجتهد ويشتغل ويزيد دخله لان اليد الوحده ماتصفق .. ويرضى بأي شغل مب يقول الوظيفة الحكوميه ماجتني .. يشتغل اي شغله ويدلع نفسه .. مب ينتظر رجله يحققله كل احلامه .. لان هذا مستوى رجلك من يوم تزوجتيه انتي ماخذته وانتي راضيه بمستواه
اذا تبين الفلوس والماركات لازم تتعبين عشان تجيبينهم .. والقناعه ياوخيتي كنز لا يفنى !!

الله يرزقك ويفتحها عليكم يارب

وش بك معصبة ع البنيه دايم أسلوبك في الرد يفتقد أدنى الذوق

اختي عليكي بحمد الله والوقوف بجانب زوجك وكيف ترفعين معنوياته وكيف تسعدين اولادك وزوجك بأقل القليل لان السعاده منبعها القلب وعلمي اولادك القناعه والرضى لكن اذا انتي بنفسك متذمره كيف اجل هم وزوجك المسكين تراه يتأثر ويتحطم اذا حس بسلبيتك المفروض اختي تكوني مصدر سعاده لاسرتك ولاتلتفتين للمظاهر الكاذبه ولن تجني غيرالحسره وخسران اطفالك لانهم كلما كبرو حسو بالدونيه حتى لو حاولتي ماتكلمين افعالك يكتسبونها ونظرتك حتى اذا كبرو ثارو على ماهم فيه وعندها ستندمين انتي علميهم القناعه وهو اكبر كنز واكسبيهم اسلحه حقيقيه يواجهون بها حياتهم القادمه من اخلاق ودين وقناعه وعدم الالتفات لما في يد الاخرين وتفوق في الدراسه هذا ما يقوي شخصياتهم وينفعهم في مستقبل ايامهم ووقوفك بكل حب وعطف وموده وحنان بجانب والدهم هذا يجعلهم ممتنين لك طول اعمارهم ويجعل زوجك راضي عنك واهم شي ربك يرضى عنك والتفاهات لن تفيد اخيه لك منا الدعاء ودائما تذكري قول الرسول صلى الله عليه وسلم (انظروا الى من دونكم ولاتنظروا الى من هو فوقكم ذلك ادنى ان تشكروا نعمة الله عليكم) او كما قال صلى الله عليه وسلم وانظري اختي للمجتمعات من حولنا ناس تموت من الجوع وناس من المرض ومالقيوعلاج وناس خايفين طول وقتهم فلله الحمد والشكر دائما وابداطولت عليك والاخت اللي قالت والله اذا حبيت اكشخ اروح لهذي المحلات اغلبنا كذا الله يرزقنا القناعه جميعا ورضاه اسفه للاطاله

😳 ادعي لها بالفرج بالمنزل بالعوض بسلامة زوجها
الكل يتمنى كل شي جميل وغالي وحلال بالدنيا
ادعي لها بالخير وتفريج الكربه
والا لاتردي على اللي ضايقه بهم الدنيا بردودك الفضيعه فتجيك دعوه منهم تقلب حياتك
فوق تحت
استغفرالله العظيم من هالاسلوب
ارتقوا ياناس تعلموا اسلوب اللباقه وفن الرد