وش سبب حالة زوجي الغربيه!!؟؟

كأني قريت مره حاله ينسى فيها الانسان لثواني يغيب عن الواقع بس ناسيه ايش هو المرض انتي روحي دكتور مخ واعصاب اسئليه ويفيدك لازم تهتمين لانه تخيلي جته هالحاله وهو يسوق لاسمح الله
سجلي له بالجوال لما تجيه الحاله عشان يصدق
لانه في ذاك الوقت مايذكر شي
الله يشفيه

الله يكون في عونك

هل زوجك سبق وعمل حادث واصيب فى راسه لازم تعرفى ولو بالحيلة لو ما يبى يخبرك

حصلت لي حالة مشابهة لحالة زوجك بعد ولادتي الاخيرة تمر علي ثواني قليلة جدا تقريبا عشرين ثانية معد اعرف فيها احد اشوف بنتي ما اعرفها صارت لي مرتين مرة وانا امشط بنتي قلت لها من انتي ! ومرة وبنتي الثانية قدامي ماعرفتها وصارت لي وانا جالسة قعدت افكر انا ولدت بنت ولا ولد ! احس اني اخرج من الزمان ومن المكان واصير في المجهول وبعد ثواني ارجع .. صرت ابكي وخفت وسألت اطباء بعضهم قالوا ممكن شرود فصامي يعني لازم طبيب نفسي وقال دكتور ثاني ممكن اجهاد جسدي او نفسي ودكتور ثالث قال ممكن المخ فيه مشكلة طبعا استشاراتي في الانستغرام والحمدلله خفيت وانقطعت عني يمكن زوجك عنده ضغوطات ايضا مايمنع يروح لطبيب مخ واعصاب نفساني موجودين بمستشفى الحبيب الله يشفيه لاباس عليه.

الله يسعد كل من ردت يارب ان شاء الله بحاول اقنعه يروح لدكتور مخ واعصاب ان شاء الله يوافق