❤❤تباشير 3 لحوامل سبتمبر واكتوبر ❤❤

اميييييييييين يارب
بتتسهل باذن الله ❤❤❤❤

بنات الله يرضى عليكم اللي عندها القائمة نزلوها
خل نشوف من الدور عليه ،


الله يهون علينا جميعا . ويسخر لنا من تولى امر ولادتنا

ايه انا قد صار كذا طق شئ في بطني وجتني روعه وتحرك عقبها ورحت اشوف النبض والحمدالله كل شئ كويس

مساء الرشاقه😃😅💃💃💃 الله يسهل لكم يارب والف مبروك للي ولدو 😍

البارح بعطيكم الأكشن ونمت 😂😭😬
يلا بحكي لكم
طبعاً من الجمعه الماضية معي مغص وانا توني في الثامن وكان يشد علي ومستمر طبعاً طنشت الين السبت وهو مازاال مستمر ورحت للطوارئ قالت بكشف من تحت اذا الرحم مفتوح تنويم
وكشفت وطلع مسكر
وطلعت ورجعت للبيت
الأحد بالليل نزلت علي السداده وأتصلت ع زوجي ووداني للطوارئ
وهناك دخلوني التنويم وكانوا يحطون لي التخطيط كل 6 ساعات مرات يطلع طلق ومرات لا
المهم جاني الأستشاري الثلاثاء وسالني وقلت له عندي قيصري وانا ماولد غير بصناعي لان طلقي مايجي بسهوله ويجي بارد يعني اجلس بالولاده 12 ساعه ويالله اولد قام حط ع ملفي قيصري مستعجل يقول مانتنظر عليك ولاتاخذين صناعي قلت بطلطلع قال أستني يوم معانا واذا احتجتيني اطلبيني مستعجل >>> كان شاك بشي بس ماقال
قلت بروح لعيالي قال اصبري لبعد الظهر وكانت الساعه 8 الصباح
ويوم رفض حزنت وحطيت حرتي بالأكل 😭😭😭😭أكرة المستشفي
يوم طلع من عندي بشوي وأخلص أكل وأقوم بروح لدورة المياه وأسمع ذيك الطقة القوية والا المويه كلها تنكب 😫😩ويوم شفت المويه وانا اخاف مووووووت واروح ركض للريسبشن واطلبه وماحصلوه😢😢😭😭😭
من الساعه 9 الا 11 وانا المويات معي واركض وماحصلت احد
واتصل ع زوجي طلع مصمت تلفونه ونايم والله ان الي بالتنويم كلهم رحموني ارجف ارجف حسيت اني اضعف مخلوق ع الارض
واقوم اتصل ع اخوي طلع مسافر ع بعد 600 كم وقمت اشكي له وارجف 😂
وطول هالوقت اترجى الممرضات يدبرون لي اي طبيب الين 11 ونص جاني اخصائي قال لي دمك ضعيف ومو موجوده فصيلتك عندنا في بنك الدم
وغير كذا توك اكله
لازم استشير اخصائي البنج ولازم ندور متبرع😭😭😭😭هنا تحطمت حسيت اني خلاص مودعه 😢😢
المهم واجلس واقعد استغفر وارسل لزوجي واقول له كل الحكاية وآمنه علي عيالي واوصيه
بعد ربع ساعه جوني الممرضات اخذوا بياناتي ولبسوني للعمليه ونزلوني الساعه12
ودخلت غرفة العمليات وانا ابكي ومسكرة عيوني ماطالعت باي انسان بس شكيت لاخصائي البنج اني اكلت قال لاتخافي بابنتي انتي من 4 ساعات لاتخافي والله يحميك
هذي الكلمة ريحتني وبكيت زياده😭😭😭
المهم خدروني وجبت ولدي الحمد لله وطلعوني للتنويم ولما فقت دقيت ع زوجي طلع جاي بالطريق لي وقلت بشر أهلي
وسلامتكم
والحمد لله ع تمام النعمة واسال الله يتمم باقي نفاسي بخير ويهون علي العملية وآلمها 💔💔