ولدي والاماكن العامه

يا عزيزتي عندنا مثل يقول ( اربط صبعك وكلن بيوصف لك دوا ) .. فالمرض الواضح دايما يجذب الناس يتكلمون ويسألون .. لا تتحسسين أنا لما كانت تجيني نوبات الربو وتخلف كحة تمسكني حوالي شهرين أمشي وأكح كل ما دخلت مكان جابو لي عصير أو شاي أو ماي أ عسل أو علاج .. الكل يقترح والكل يعتقد إن عنده الحل ..


بالعكس كوني مبتسمة وجهزي اجابة قصيرة ومقتضبه عن حالة الولد ولا تتحسسين وحاولي توضحين للولد إنه مميز ومشهور وهذا السبب اللي يخلي الناس يسألون عنه دايما ..


ربي يعافيه لج ويبارك فيه ..

الإعاقه ليس في إبنك وأنما في عقول الناس

عيشي الدنيا انت وولدك وبالطول والعرض
وبتتحسن نفسيته اذا انت وابوه حسستوه ان الوضع عادي
الله يسعدكم يارب

أسأل الله العظيم رب العرش العظيم ان يشفي ولدك ويكتب اجرك وأجر والده على رعايته


اطلعو وطلعوه معاكم وعيشو حياتكم بالطول والعرض هاذا اختبار لكم من الله وعليكم بالصبر والاحتساب وأهم شي نفسية الولد لا تبينون له تضجركم من نضرة الناس والأقارب لانه بيحس بالنقص والخجل وعدم الثقه في نفسه


والي يجون يسألون عن ولدك وعن وضعه هاذي مو لقافه


هاذي أخلاق المسلمين والرحمه الي أكرمنا الله بها
البعض يكتفي بالنضر والدعاء والبعض في ضنه لما يسأل وده يقدم أي مساعده بنصح أو بوصف طب أو طبيب
كثر الله خيرهم وفهمي ولدك أن هاذا الشي طبيعي ولأنهم يحبون لك الخير سألو عنك
انا اشوف حالات كثير والله احزن عليهم ويقعدو في بالي ايام واسابيع وادعي لهم في كل وقت
وآخر مره قبل يومين بمستوصف كان واحد من موضفين الاستقبال واضح عليه الإعاقة من مشيته كان ودي اقول له حالتك تقدر تحلها بتفصيل حذاء ليتساواء طول ساقيك وتمشي طبيعي
بس حياء وخجلي من التكلم معه منعني اكتفيت له بالدعاء وان يلهمه الله هاذا الحل من غيري


أسأل الله أن يرضيكم بما رضي لكم به ويريح بالكم ويجعل صدوركم رحبه ويسعدكم سعادة الدارين🌹🌹

طلعيه وخليه يستأنس ولا عليك من احد
حرام تكتمينه كذا
الملاقيف كثير ولا اي شي
الله يشفيه ويرفع عنه