هلا يا بنات..........دورة التريكو بدأت ..........

مودى فعلا انا بحاول افتح الصور ما بتفتحش بصى انا اختارت غرزة تضليع رباط ص14 اية رايك هى سهلة بالنسبة لى و على فكرة القبعة جميلة جدا و انا كنت بدور على كيفية عمل هذة الغرزة علشان عندى بلوفر جميل بس قصير وكنت عوزة اكمل علية وتقريبا الغرزة دى تشبهله

نانا انا لقيت باترون الطاقية دي عندي بس هي بنستخدم فيها الابر العادية للتريكو مش الدائرية مقاس 6 ومقاس 8 كمان
باستخدام الابر الصغيرة بتكوني 73 غرزة وبعدين تشتغلي اللفات بالطريقة التالية
السطر الاول والثاني والثالث
كله عدل
السطر الخامس والسابع والتاسع
كله مقلوب
السطر الرابع
2 عدل - * لفة - 3 عدل - اسلتي غرزة لليمين - 2 عدل معا - مرري الغرزة المسلوتة فوق الغرزة الناتجة من 2 معا عدل - 3 عدل -لفة - 1 عدل * كرري حتي النهاية وفي اخر مرة تكرار انتهي ب 2 عدل بدلا من 1 عدل
السطر السادس
2 عدل - * 1 عدل - لفة - 2 عدل - اسلتي غرزة لليمين - 2 عدل معا - مرري الغرزة المسلوتة فوقهما معا - 2 عدل - لفة - 2 عدل * كرري حتي النهاية منتهية ب 3عدل بدلا من 2 عدل
السطر الثامن
2 عدل - * 2 عدل - لفة - 1 عدل - اسلتي غرزة لليمين - 2 عدل معا - مرري الغرزة المسلوتة فوقهما - 1 عدل - لفة - 3 عدل * كرري حتي النهاية منتهية ب 4 عدل بدلا من 3 عدل
السطر العاشر
2 عدل - * 3 عدل - لفة - اسلتي غرزة لليمين -2 معا عدل - مرري الغرزة المسلوتة فوقهما - لفة - 4 عدل * كرري للنهاية منتهية ب 5 عدل بدلا من 4 عدل
غيري للابر الكبيرة
وكرري السطور من 4 الي 11 حتي تصلي الي حوالي 5.5 بوصة ( المقياس في هذا الباترون كل 5 غرز تقريبا تعادل بوصة بالنسبة للابر الصغيرة )
التنقيص
السطر الاول
5 عدل - * اسلتي غرزة لليمين - 2 معا عدل - مرري الغرزة المسلوتة فوقهما - 7 عدل * كرري للنهاية منتهية ب 5 عدل بدلا من 7 عدل
السطر الثاني
كله مقلوب
السطر الثالث
4 عدل - * اسلتي غرزة لليمين - 2 معا عدل - مرري الغرزة المسلوتة فوقهما - 5 عدل * كرري للنهاية منتهية ب 4 عدل بدلا من 5 عدل
السطر الرابع
كله مقلوب
السطر الخامس
* 3 عدل - اسلتي غرزة لليمين - 2 معا عدل - مرري الغرزة المسلوتة فوقهما -* كرري للنهاية
السطر السادس
كله مقلوب
السطر السابع
2 عدل - * اسلتي غرزة لليمين - 2 معا عدل -مرري الغرزة المسلوتة فوقهما- 1 عدل * كرري للنهاية منتهيه ب 2 عدل بدلا من 1 عدل
اقطعي الخيط ومررية خلال الغرز المتبقية علي الابرة وزميه ثم خيطي الجوانب

لعمل نفس القبعه للمواليد نكون الغرز الابتدائية من 63 غرزة فقط ونكرر الشكل مرتين فقط فيصبح الشكل امامنا 3 مرات ومن ثم نبدأ في التنقيص

سلوي غرزة تضليع الرباط جميلة بس دي حتستخدم معاكي في الكمر بس وبعد كدة حتدخلي معاه الغرزة التانية ولا حتعملي ايه

مش عارفة يا مودى بس انا حاولت اعملها بس تلعت مش حلوة علشان الفراغات والبلوفر شتوى عاوز حاجة متافلة شوية حاولى تساعدنى لو عندك غرزة مش فيها فراغات منتظراكى

غااادر عاملة اية يا حبيبتي واخبار الحمل ايه حاضر من عينيا اقولك باترونها باذن الله

سلوي حبيبتي علي فكرة هي الغرزة حلوة جدا لاني عملتها لبنتي في جاكت ليها بس هي للكنار تستخدميها بدلا من البلسية ورا وقدام كمان
علي العموم انتي عاوزة الغرزة اللي في الوجه تكون سادة حاشوفلك بس حاولي تدخلي الضفائر المركبة مثلا فيها عشان تدي شكل للجاكت لان الضهر علي ما يبدوا كله عدل