السلام عليكم اخواتي حبيباتي
عندي مشكله والله يفرج لكم كل همومكم ويفرحكم محتاجه نصيحه منكم لاني في هم لا يعلم به الا الله
مشكلتي هي ان اتقدم لي ابن عمتي وكان يحب اختي ويبغاها جدا لدرجه ماتتصوروها يابنات وهي رفضته مع ان الرجال زين وماعليه شيء دين واخلاق والكمال لله وانا وقتها كان عمري 15سنه يعني صغيره توي ولما شوي كبرت صار عمري 17سنه ويعني اهلي من النوع المنفتح نتكلم مع اهلنا عادي ومانتغطى بس حجاب وله فتره كان يجينا وكنا نسولف سواليف عاديه او دينيه او اجتماعيه وكان يقول لامي الله يحفظها لك ماشاء الله اسلوبها اكبر من عمرها *من ذاك الوقت حسيته يجي عندنا اكثر من العاده* المهم بعد فتره اتفاجأت انه تقدم لي وهو صراحه مايتفوت وانا اعجبت بأخلاقه وكلامه واسلوبه وعقله بس اللي مو قادره انساه انه كان يبغى اختي وكان يحبها كثيييير واتقدم لها فصرت اوسوس واهوجس اذا هو يبغى يخدعني عشان يتقرب منها او انه بعده يفكر فيها او انه يبغى يغيظها ويقهرها وتجيني هواجس مع انه والله ماشاء الله عليه يعني نادرا في هالزمن تلقى شخص مثله بنظري بس والله كل يوم اهوجس وتجيني وساوس من ناحية هالموضوع وهو من فتره لفتره يكلمني في الواتس انه نسى اختي وانه يبغاني على سنة الله ورسوله وان حنا خواته وبنات اهله ومايخالف اذا طلب وحده ورفضته وراح تقدم للثانيه اللي ربي قسمها له
صراحه انا اقنعني كلامه بس كل ماافكر بالموضوع احس والله بنهار ومرات ابكي تجيني شكوك ووساوس مع اني استخرت بالاول احس بارتياح وبعدين احس اني ماابغاه تكفووون ساعدووني الله يسعدكم واسفه اذا طولت عليكم او ان كلامي ملخبط❤❤❤
شاركي في النقاش
سجلي الدخول لإضافة تعليق.
التعليقات
11- وعليكم السلام أولا استخيري قبل كل شيء ثانيا لاتكلميه في الواتس حتى لو متعودين على عاده بين الأهل ويمكن هو صادق زي ماقلك خطب اختك وماحصل نصيب ويمكن نصيبه معاك استخيري وادعي ربك ان كان خير لك ربي بيقربه وان كان شر الله يبعده ولازم تنسي انه كان يحب اختك وخطبها عشان تعدي حياتك والله يكتب لك الي فيه الخير ويتممه لك
- طيب هي رفضته وين المشكله بإنك تاخذينه بس العاده الي انتم عليها غلط صراحه
- لفت انتباهي كلامه لك ( وان حنا خواته وبنات اهله ومايخالف اذا طلب وحده ورفضته وراح تقدم للثانيه اللي ربي قسمها له ) يخالف في حالته لانه مو ولد عم وخطب عادي بل كان له علاقه حب سابقه مع اختك ومتمنيها على قولك واضح انه يبي لو ريحتها بس
>> - اختك اتزوجت او لا . ؟ وش رائيها بموضوعك ؟ وليه وفضته ؟ اتكلمي معاها يمكن هي تعرفه اكثر منك وبتنصحك
- استخيري