تعالوا بفضفض لكم اخر تطوراتي

الدعاااء فقط هوالشيء الوحيد اللي ممكن يغير حيااتك ، نصيحه لاتشتكين لنا حنا وش بنسوي بنخفف عليك ونطلع من الموضوع وننسى و ماراح نغير قدرك !
اشتكي لله هو فقط اللي بيده كل شيء قادر يغير حياتك للأفضل فقط ثقي بالله وادعي وانتي تصلين قبل تسلمين من الصلاة ادعي في كل صلاة وشوفي حياتك كيف تتغير ،

أختي أرجع وأقول مكمن الخلل منك .. ما عرفتي تجذبينه ومافيكي صبر تجربين .. كل ما شفتيه رايق بديتي طلبات .. شو ما كانت هالطلبات ترا الرجل ينزعج من المرة كثيرة الطلبات .. حتى من عياله لو كثرت طلباتهم ينزعج وانتي أغلب مشاكلج بسبب طلبات ..
نقظة ثانية أنا مستغربة منها فعلا ومنتشرة بين بنات المنتدى .. كثرة روحة بيت الاهل بسبب مشاكل عادية @@ .. غريب هالامر .. إذا أنا عاجزة أحل مشكلة عادية مع زوجي كيف بكرة بحل مشاكل عيالي المراهقين .. للحين ما شفت أي مشكلة تخيلكي تروحين لأهلك أو تدخلين أهلك .. خلي أهلك للشديد القوي .. للثقايل .. سلاح اللحظة الاخيرة .. موب كل شيء قابل انه ينحل بطريقة الزعل في بيت الاهل ..


انتي شايلة في خاطرك على زوجك بسبب تراكمات .. هالتراكمات سببها إنك حابة تحققين كل شيء تفكرين فيه مهما كان تافه .. ولما ما يتحقق هالشيء تغضبين وتحقدين على الزوج ..
هو في المقابل صار عنده انطباع عنك انك غير مريحة وانه ما يرتاح في البيت بسبب المشاكل اللي أصلا تافهه .. صار بينكم فجوة وقاعد ينبني سد ..
لو انتي حريصة على بيتك فعلا لازم تتعلمين شيء اسمه التغاضي .. التطنيش حتى لو يوصل الموضوع انك تطنشين امور مهمة وضرورية ..


بعطيكي مثال اعيشه هالايام ..
في الامارات عندنا نظام لازم الطفل بعد ما يكمل سنة تكون عنده بطاقة هوية .. وكل شيء بدون بطاقة الهوية ما يمشي حتى العلاج ما يتعالج الطفل بدون الهوية .. والعلاج عندنا بفلوس مكلف
زوجي بسبب اشغاله ما خلص هوية بنتي .. وبنتي صار عمرها سنة و 3 شهور ما أخذت التطعيم .. أنا من 5 شهور أذكره بمعدل اسبوعي .. ولكن بدون حنة وبدون مشاكل .. بدون ما أصارخ أو افتعل مشكلة .. بلطف وكلام طيب ..
بعد ما مرت هالفترة كلها .. قلت له خلاص بوديها خاص وبدفع فلوس وامري لله .. المهم تاخذ تطعيمها .. وهو اللي قال لا خلاص بكرة من الصبح اخلصها ..
وفعلا خلصها وطعمتها ..


كان المشوار ما ياخذ الا ساعتين منه .. لكن تراكمات الانشغال .. وكان ممكن أضارب وأصارخ وأعمل دراما .. لكن شو بستفيد .. هذي بنته ويحبها مثل عيونه .. وأنا في نهاية اليوم بنام على نفس السرير جنبه .. كيف افتعل معاه مشكلة علشان شيء بينتهي سواء اليوم أو بكرة يعني ما راح يكون موجود كمشكلة بعد 10 سنوات أو 15 سنة ..


في الحياة بشكل عام فيه تعارضات كثيرة .. وين سعة الافق ووين طولة البال ووين التفكير في المستقبل ..
شوفي نفسك بعد 30 سنة .. تريدين تكونين جنب زوجك وتقعدون تضحكون وتتسامرون لحد ما يوصلون عيالكم وحفادكم .. أو تريدين تكونين قاعدة لحالك تنتظرين يدخلون الاحفاد ؟ اختاري لنفسك واختاري له ..
روحي قعدي جنبه وقولي له ما أريد الخلاف وما أريد المشاكل .. أريد السعادة أريد الامان في بيتي وبين عيالي .. أريد دمعتي تكون غالية عندك وكلمتك تكون غالية عندي .. احتوي زوجك وافتحي معاه صفحة جديدة .. قوليله تحمل انفعالي وخذني بالطيب وعلى قد عقلي مالي غيرك وانا بتحمل عصبيتك وانشغالك مالك غير ي..


حلي الخلاف وذوبي الجليد أختي .. زوجك موب انسان سيء .. وانتي في داخلك طيبة ومحبة بس الزعل والتراكمات بعدت بينكم ..
لا تباتين مرة ثانية بعيد عنه .. ولا تباتين وانتو زعلانين ..
ربي يصلح شانكم ويرزقكم الراحة ..

أنصحك تدخلي حساب عشتار والجوري بالاستقرام راح تفهمي ليش زوجك يحب يعطي الا برا أكثر منك ...والأمر الثاني البيت مو بالترتيب والنظافة الرجال لو يبي نظافة لكان ما تزوج محصل النظافة حتى عند أمه
بالمختصر الجنس لو أشبع واحتوي من ه الناحية حلت 70 بالمية من المشاكل الزوجية

حاسه فيك اللي عندي من نوعيه زوجك
لكن الله ينتقم من كل رجال يقهر حرمه ضعيفه.