👶🏻🌸👶🏻 التجمع الـ (31) لأجمل حوامل وامهات توأم 👶🏻🌸👶🏻

انا ماعرفت الا بالرابع تقريبا

فيتامين د وقفته نهائي لانه ما يحتاج للحامل اساساً الجنين ما يحتاج ف د حالياً ولا ياخذه منك ابد،، الكالسيوم انا بداية الحمل نسبته كويسه ورغم انه اخذ حبتين ححلت بالسابع ارتفع بس رقم واحد يعني لو ما اخذ كان نزل مررره والحديد مره المشكى لله منه طفشت والله حتى الابر وقفتها من راسي خلاص طفشت ايديني مكان الابر متورم والحمدالله ارتفع صار 10.7 بس مدري اشبها ما قالت وقفيه تقول استمري قلت يصير خير وسحبت ،، بكمل على الحبوب واتوكل على الله

انا مثلك ودي اول يوم بالتاسع بس سمعت ان الرئة ماتكتمل الا لا تعدت الاسبوع ال 37 وابرة الرئه قالو ماتحتاجينها الا اذا شفنا بوادر ولاده قبل اوانهم يقول افضل تاخذي اسبوعين من التاسع عاد بشوف بموعدي الجاي بعد اسبوعين ادخل التاسع على حسبة الدوره

السلام عليكم
بنات احد عنده حل للغازات اتعبتني من 3 ايام بطني احس جداً مليان مره والله يعزمك يطلع صوت الغازات من فمي وخاصه اذا سجدت والله ماقدرت انام من البارح احاول احس بتخمه مره ولا قدرت انام

وعليكم السلام ،، شوفي اكلك طيب وش اللي يسببها وابعدي عنه كثري فواكه سوائل خضار ،، وغازات من فمك تقصدين التجشؤ لأنه ابداً ما وقف معي من بداية الحمل الى الان