كل متأخرة بالحمل بسبب زوجها تدخل

انا زوجي لاحساسية ولا اي شي طبيعي جداً ..
ياليت يحس ان فيه نقص ويحاول يتعالج او يحس فيني بالعكس محسسني ان هذا الشي مايهمه ابداً ..


ويااااالله وافق نسوي شي اول عملية حملت ببنتي الآن عمرها تسع سنوات واذا فتحت له موضوع العلاج من جديد يرفض ويقول خلاص يكفينا هذه البنت..
والسنة اللي فاتت عملنا العملية من جديد وفشلت والآن اكثر من سنة اخيراً وافق نعيدها من جديد
استغرب من زوجي اغلب الرجال اللي تكون المشكلة فيهم حاسين ان فيهم نقص ويحاول يتعالج ويبذل المستحيل الا زوجي عجيب وغريب 😏

زوجي مثل زوجك

نفس مشاعر العضوه اللي قبل ام حنين
زوجي لا احساس ولا هم يحزنون عادي جدا ونفس رده بعد يكفي هالبنت ولا يفكر بالعلاج
وصلت فيني مرحله ابي اعياره حق يتعالج ولا كان اقول له شي اتعب احن ع راْسه خذ العلاج خذه ياخذه كم يوم وعشرين يوم لاا او قبل العمليه بكم يوم خذ العلاج يعني اسم انه بيطيب هاليومين


الله يرزقه حساسيه أزواجكم ويقوم يتعالج بروحه ويسعى للعلاج
وبخصوص كيف تحافظي ع مشاعره ومدري ايش ترى احنا اللي مفروض يحافظ ع مشاعرنا ويداريها احنا اللي متأذين فوق هذا الحرمان بعد ينفس سلامات والله لشب فيه بعد هذا اللي ناقصني حرمان من جهه ونفسيته من جهه
الحمدلله لا احساس وضمير احسن من النفسيه هههههه

الله يعنيننا جميعاٌ ويعوضنا ي رب
انا نفس الشي زوجي مايهتم بالعلاج واحياناً انضغط واجرحه بكم كلمه وبعدين اتحسف اني ضايقته لكن ماهو بيدي غصب

الله المستعان
انا اشوف افضل مايكون حساس عالاقل يكون همك واحد هم الحمل مو تشيلين هم زواجكم يتاثر


الله يرفع البلاء هذا شي مو بيدهم مو هم اللي حرمونا ربي أخر رزقنا لاجل معلوم
وانا لاخظت اللي زوجها مهمل يكون عنده ذريه يعني بنت او ولد فتشوفين مافيه رغبة ولا حماس للعلاج
وبخصوص النفسية جدا مهمه نحافظ عليه لانها تاثر عالعلاج يا حلوه