طقوسكم في عيد الاضحى

روتينكم جميل

كل عام والجميع بصحه وسلامه
والله يتقبل حج الحجاج ويسهل عليهم ويسترهم بستره ويجعله حج مبرور
عيدنا نصلي العيد
لاول مره من عشرين سنه اعيد عيد الاضحى ببيتي الاساسي عند اهلي بالعاده بمقر سكن عمل زوجي
المهم برنامجنا نصلي العيد ونكون مرتبين ومبخرين ولابسين لبس العيد
واهلي اخوالي اهل زوجي لازم يجون يعيدون علينا بالبيت نكون مجهزين القهوه والحلو الشوكلات البخور
وبعدها زوجي يجيب الاضحيه ونقطعها ونوزعها وعلى الثلاجه ولازم نطبخ الكبده😋😋ونخلص وعلى طول بيت الوالده نعيد عليها ونرجع لبيتنا ونتغدا وننام
وبالليل نجتمع باستراحه كل عيد نستأجر استراحه
كل اهل زوجي اخوانه واخواته وبنات اخواته وبنات اخوانه المتزوجات ماشاءالله عائله كبيره نجتمع ولمه حلوه وبعدها ينتهي عيد الاهل ويبدا عيد الاخوال االيوم الثاني
اهم شي ان الواحد يفرح بالعيد ان الله بلغه اياه وشاف احبابه وهو بصحه وسلامه
وتقبل الله منا ومنكم الطاعات وصالح الاعمال

.

انا نطلع للاستراحه الصبح انا وسلفاتي وأزواجنا وأبوهم الله يطول في عمره على طاعته يذبحون الخرفان وانا نجهز القهوه يتقهون بعدها نقطع كلناً يقطع لحمه ونجهز الفطور كل وحده تصلح شي ونصلح شاهي ونفطر ونجمع قشنا وننظف مواعينا وناخذ لحمنا ونرجع للبيت يكون مكيس أحطه في الفريزر وأروح اتروش وانوم الين المغرب اصحى واتصلح ونروح للعيد كل سنه مسوينها عند ناس هالسنه ماراح ننزل للاستراحه لانه مره حر في الليل فيه عيد وثاني يوم بنمشي الشرقية عند اختي عشان اهلي رايحين هناك ثلاث ايام

بعد صلاة العيد
ابوي الله يحفظة يذبح الاضحية بالبيت
وحنا نقطع اللحم ونوزعه
وطبعا لازم الحميس الصبح نفطر عليه