انا في حيره الله يستر

والله انا نفس وضعك بس قبل 4سنوات كان عندي 3عمليات ورا بعض ومنعني الدكتور من الحمل لمده 3او 4سنوات وشربت مارفيلون لا حبوب الرضاعه مو مضمونه خفيفه بس مشكله مرفيلون انها تخفف اللبن

الله يستر والله خايفه حيل طيب لو حصل حمل وش يصير

وعليكم السلام ورحمة الله وبركاته .
انتي حاليا ترضعي رضاعه طبيعيه نظيفه ولا لا ؟
هالحبوب ماتنفع الا للي ترضع تمام وماتدخل صناعي الا نادرا ومضطره .. غيرها ماتنفع كثير ومو ثقه .
اذا خايفه على نفسك لكن تبين الرضاعه استخدمي هالحبوب مع العزل حتى ست شهور .. بعدها افطمي واستخدمي الحبوب المركبه مثل مارفيلون وجينيرا وان شاء الله مناعتهم اكبر بكثير.
وبيكون الطفل على الست شهور اعتماده على الصدر اقل ورضاعته ايضا بكميه اقل فينخفض هرمون الحليب وتزيد نسبة حصول الحمل .
انتبهي لنفسك ماراح يتعب او يعاني من مشقة الحمل والعمليات غيرك ..

حطي بجوالك منبه عشان تاخذيها بوقتها وماتنسيها .، حبوب الرضاعه عيبها تعتمد على التوقيت .

لاتلعبي فيها ثم تندمي بعدين .

اذا زادت عليك العمليات وماتاخذي راحه بينهم احتمال ان الاطباء يراجعو حالتك ويشوفو لو خطر عليك الحمل مره ثانيه يقترحو عليك ربط الانابيب مع الولاده القيصريه حتى ماتحملي مره اخرى .

الله يسهل عليك .

ياربي انا خايفه يكون حصل حمل الحين...طيب لو استخدم حبوب جينيرا الحين ونا ارضع وش المشكله يضر الطفل والا كيف

حاليا لازم تصبري لنهاية الشهر وشوفي هل بتنزل معك الدورة ولا حصل حمل .

لان ممنوع تاخذي حبوب منع الحمل وانتي حامل .

اذا نزلت الدورة فالحمدلله .. شوفي هل بتقدري تفطمي ولدك منك خصوصا لو رضاعته منك اساسا قليله .. اما لو معتمد عليك فحرام سوي اللي قلت لك عليه بالرد السابق .

اما لو حصل حمل فالحمدلله على كل حال ومافي الا الصبر وتراجعي اول باول مع الطبيبه وتشوفي وضعك مع الجرح .. لكن ان شاء الله مايحصل الا كل خير .

لو تستخدمي حبوب المنع القويه مثل جنيرا وانتي ترضعي ايه لها مشاكل ومضار .

اولها ان الحبوب ذي تنشف الصدر من الحليب وماراح يرضع منك شي ويجيه جفاف وانتي ماتحسين ويتضرر لاسمح الله من هالجفاف .

ولو طلع منك حليب فهو ناقص في المكونات واغلبها مجرد سوائل وافرازات مايكفي حاجة الرضيع ومايشبعه فتلاقيه يستمر في البكاء بعد الرضاعه او يجوع بسرعه مقارنه بالسابق .

الثاني ان هرموناتها اعلى من هرمونات حبوب الرضاعه .. واكيد مانبي نضر الطفل بشرب هالهرمونات منك خصوصا لو كان الطفل ولد يتضرر منها اكثر من البنت .

انتبهي لنفسك ومثل ماذكرت لك حطي منبه تاخذيها بوقتها اول باول حتى ماتنسيها .. ممكن تنسي وتتلخبطي الايام الاولى ثم خلاص بتصير روتين .