💙تجمع العمل بالأسباب لانجاب الأشبال بذن الله💙

السلام عليكم


رغم اني اول مره اشارك بس لي سنين وانا استفيد من هذا المنتدى الرائع .، ماعرف ايش دفعني للكتابه يمكن حابه افضفض شويه .. انا تزوجت وعمري 17 سنه .. وعندي والحمدلله 4 بنات .. في الحمل الثاني حملت بعد التبويض .. وكانت بنت .. المهم .. قررت اني المره هذي اعمل حقن مجهري للولد ورحت كشفت وقالت عندك تكيسات واصلا الدوره عندي مره ماهي منتظمه تقريبا طولها 48 يوم واحيان اكثر .. وازيدكم ان عندي قناه واحده لان استاصلو الثانيه بعد حملي الاول .. المهم .. بديت اجمع مبلغ العمليه الي بيكلف 26 الف .. الحمدلله ماعندي ضيقه ان خلفتي بنات بالعكس كلهم احبهم و ادلعهم وابوهم كمان .. بس اوقات اشوفه يتمنى ولد .. ورغم رفضه لعمليه الحقن المجهري بس اصريت عليه لاني معلمه وماعاد لي خلق حمل وولاده لين يجي الولد .. سبحان الله خططت احمل نهايه السنه هذي .. بعد تجميع المبلغ لانه رافض فماراح يدفع معاي .. وانا لي سنين استخدم العزل كمنع حمل .. واصلا ماكنت احمل بسرعه الا لما ارفع رجولي لفوق وحاله .. سبحان الله يا بنات ليا اسبوع ضغطي نازل و احس بغثيان .. قلت اكيد مع الصيام .. والدوره لسا ماتاخرت لان اصلا تجي كل شهرين .. لما شفت ضغطي نازل شكيت بالموضوع وكنت متاكده ماراح اكون حامل بس قلت اجرب احلل .. والنتيجة طلعت بالبول اني حامل 🙈 ماعرف ليش جلست ابكي مو لان مابغى طفل بس سبحان الله ماكنت مهيئة نفسي ولا جسمي للحمل .. وحتى زوجي انصدم لان مره ماتوقع بس بالاخر زي اغلب الاسبان فرح وحاول مايبين فرحته 😹😹😹 بس عاد انا سويت اني مره زعلانه عشان ينفذ لي طلباتي .. ونفذها ولله الحمد .. وابغاكم تدعولي بالولد الصالح يارب ..


الشاهد بالموضوع ان احنا نخطط ونسوي ونحاول ونبي كل شي .. والله يريد شي ويصير ..


لو جا ولد نذرت اذبح بكل مبلغ العمليه الي كنت بجمع لها ..


شكر لله عز وجل .. ولو جات بنت الله يحييها وتنضم لفريق بناتي ..


ابغاكم تدعولي وبح انظمه غذائيه وبح حقن مجهري .. انت تريد وانا اريد والله يفعل مايريد 💕

كل عام وانتم بخير حبيباتي ..
🐏🔪🐏🐏🐏🔪🎉🍥🍥
🎉🍥
عيدكم مبارك يارب

والله للان ماتم الحمل بعد ماعالجة الالتهابات ادعولي يابنات اجيب بنت اموره ولبسها واكشخها واحنيها الله يهنيكم ببناتكم ما شاء الله تبارك الله انا على قول الاخت 👆الاسباني الي عندي يموووووت على البنات بس مايبين انو يبغى يوم اتأخرت في رمضان ولخبطت بغى يطير من الفرح سبحان الله الله يطعمني من غير متابعه وتعب زي الأخت الي ذكرت قصتها ىيرزقكم ياامهات الأشبال دعيتلكم من قلبي والله يتقبل دعائ

الف مبروك والله يتمم عليك ويجعله ولد صالح معافى يارب العالمين 💙💙💙

ربي يرزقك ويرزقنا