لاتطلبي الطلاق حتى لو ...

وانا معك

الحياه وحده ليش اهين نفسي مع واحد ظالم وحتى لو يهيني او يذلني اجلس معاه...

مادري احس انه بنات المنتدى صايرين يبغو يحرمو شي ربي احله .... كله عشان ذا المخلوق الرجل

كلام صحيح وواقعي مئة بالمئة

زوج يضرب ويدوس ويظلم ويعذب ويهين ابقى معاه عشان اولادي
طيب ايش اللي راح اربي اولادي عليه انه المراة ماله اي حقوق وانهم
يصيروا زى ابوهم ظالمين بنات الناس ؟! والبنات ايش اربيهم عليه انه
مالها الا تنداس وتنهان وربي خلقها عشان تكون مربيه وخدامه وتسكت
وتصبر على الظالم .. الله سبحانه وتعالي بيحاسبنا حتى على انفسنا كيف
رضينا بالاهانة والذل والساكت عن حقه شيطان اخرس .. واصبر على اولادي
وارضى بكل شي ايش يدرينى يمكن ابتلائي فيهم اعظم من بلوتي في ابوهم
هل انا ضامنه انهم بيطلعوا احسن منه ؟! العمر واحد اما اعيشه بعزة وكرامه
او ادوس على كرامتى لجل اولادي .. وكانه الصبر والصمت اللي ربي بيجزانا
عليه الخير بس صبرنا على هالزوج كل ابتلاء نصبر عليه لنا الاجر والثواب مو
هالرجل الظالم وعلى اساس بعد الامراض اللي تجينى بكون بخير ولا قادرة
هالعيال اللي بصبر عشانهم يمكن اموت مجلوطه من كثر القهر والضيم والظلم
وقتها ايش الفايدة وانا سكت عن حقي بالكرامه والعيشه الكريمه ..

نعم تمسكي في زوجك بيدينك ورجولك وعضي عليه بأسنانك لا يفلت منك !!

اصبري ثم اصبري ثم اصبري

واتركي زوجك يدق خشمك ويكسر راسك ويضربك وعيشي كآبه وحزن وكدر واصبري على السكري والضغط والجلطه

واطفالك يشوفون ويحسون ويتأثرون وتجيهم عقد نفسيه واضطرابات عادي اصبري بحريقه فيهم اهم شي تبقين تحت رحمة زوجك !!

استغفر الله العظيم

ترى رب العالمين مايرضى بالظلم واطفالكم امانه في رقابكم

في فرق بين انك تصبرين وتكبرين راسك وتتغاضين عن التوافه والهفوات والتقصير عشان تستمر الحياه ولانه مافي انسان كامل وبين انك تقبلين بالظلم والتعنيف

اتقوا الله في اطفالكم وفي انفسكم ، الطلاق حق مشروع ومباح

انفضي ثوب الذل والقهر والتخاذل اللي لابسته وكوني قويه في الحق ضد الباطل والظلم والجأي للقضاء