التجمع الثالــــ3ــث لحوامل شهري مــ3ــارس و ابريـــ4ــل

البنات اللي في قروب الواتس يراسلوني خاص بليز

سلامتك مي حياتي ماتشوفي شر
الله يتمم حملك على خير

ياحياتي انتم كل اللي سألوا عني ودعوا
.. مانحرم منكم ياخواتي .. 💜


الدم باقي موجود ولابسه كوتكس وماوقف نهائي صار بس خفيف واخذت النشا مع مويه ورد ومويه ويارب خير


قبل كنت اعطيكم الباور والتفاؤل والحين احاول اعطي نفسي نفس الشي وما اتوتر 😢
انا من اول استخدم مثبت حبتين يوميا
وبعلمكم وش صار معاي بالتفصيل ..
قبل امس يابنات اصلا جاني فجأه مدري هو عشاني ارهقت نفسي ليله العيد مع التنظيف والتمسيح او مدري من ايش
اصلا يوم جاني النزيف فجأة كنت نايمه بس تعرفون اللي تجيكم حشره وانتي نايمه كنك تبين الحمام وانتم بكرامه انا نفس الشي جاني
قمت الحمام وجلست عادي ع الافرنجي واصلا يعني حتى ملابسي الداخليه مافيها شي نظيفه .. واول ماجلست الله لايوريكم الشي اللي انكب مني كب مو زي الدوره لا كنك ماسكه علبه مويه وتصبينها صب انا كذا كان يصب دم
واحس الشي اللي طاح مني شي كان ناشب وطلع وطاح وانا اقوم مفزوعه والف واناظر الا الكرسي كله دم والقطعه ذي اللي قد ثلاث اصابع يابنات ولونها غامق وانهار مو مصدقه وابكي ابكي قلت بس خلاص جنيني طاح واول حمل لي ومادري وش السالفه وافتح عندي درج بالحمام واحط الفوطه واطلع ابكي ابكي يالله امشي وافكر وش اللي جاني
وادق على امي وتقول وش فيك مي ياابنت وش فيك واقول لها وقالت ان شاءالله ماطاح يمكن دم من الاجهاد دقي ع زوجك يجي يوديك ووقتها كان مافي دوام بالعيد مستوصفات خاصه او مستشفيات خاصه وانا تابعه لقوى الامن قلت مالي الا الطوارئ وارسل للبنات ياعمري اللي معي بالتلقرام واعلمهم قالوا روحي لازم تروحين ويطمنوني ويقولون الجنين بكيس تطمني ماهو الجنين ويعطوني من تجاربهم ربي يسعدهم ويريحوني شوي بس مقدر على اعصابي كنت .. واروح للطوارئ وادخل قسم النساء
وتجي دكتوره سعوديه وتشوفني وتسوي فحص سونار قالت الجنين موجود وفيه نبض الحمدلله بس هذا انذار مبكر مرات يعتبر.. انتبهي ومدري ايش قلت طيب دكتوره انا استخدم مثبت قامت تستهزئ وتضحك تقول ليه من قالك خذي مثبت انتي بكريه قلت ايه دكتورتي بالخاص والسبب ان بدايه حملي كان كيس الجنين نازل قالت مايحتاج قلت طيب ماحتاج الحين ابر مثبته شي قالت لا لا خلاص تطمنا والجنين موجود وفيه نبض بس التزمي الراحة وهذا الجنين يقولك خفي علي احسها بس تسلك تبي تخلص
قلت طيب من ايش الدم اللي نزل قالت مدري يمكن اجهدتي نفسك وتكتب بالملف وتروح قلت يعني خلاص اروح قالت ايه خلاص واذا استمر معاك تعالي واطلع واروح البيت وارتاح ساعه كذا وقف .. قلت الحمدلله وبعدها رجع مرا ثانيه يطلع دم بس مو كثير لا بس مازال معاي ينقط ينقط .. واخذت النشا ذا مع موية الورد وصرت بس منسدحة ومازلت ع المثبت عاد عندي موعد الاحد وكنت بروح اليوم مستشفى الالماني قال زوجي بوديك .. قالت امي انصحك يابنتي لاتروحين بيلعبون باعصابك وترى قد صارلي باخوك فلان جلس معي ثلاث ايام ووقف من نفسه وانتي شوفي ان زاد روحي لاي مكان ثاني او ارجعي لقوى الامن وان مازاد خليك الين تروحين لدكتورتك اللي بالمستوصف اذا داوموا


وبس قلت لكم قصة حياتي 😅
بس جد ياشين الدم يروعك

تقريبا نفس تجربتي بس مع مستشفى الملك خالد نفس كلام دكتورتك بالظبط
ومو مهتمه رحت لها عن طريق الطوارئ في العيد
انا بكمل اسبوعين ولازال النزيف مستمر
في المستوصف الخاص قالت من المشيمه نازله
ودكتورة مستشفى خالد اخذتها تريقه تقول مافي شي اسمه مشيمه نازله في الرابع

مي وطالبه الله يثبت اجنتكم يارب


مي قد صارت لي في حملي ببنتي طاحت علي قطعه وانا بالاسبوع 12 ونزيف وبغيت اموت محلي بس الحمدلله كمل حملي وجبت بنيتي اجهاد صدقيني ارتاحي بس وبتشوفين كل خير ان شاءالله


طالبه انتي بعد إلزمي الراحه وخلك ع المثباتات وحاولي ترفعين رجولك اعلى من جسمك شوي اذا كانت المشكله عندك بالمشيمه لانها غالبآ بإذن الله ترتفع ع الخامس وترتاحين
الله يطمنكم يارب