شاركي في النقاش

سجلي الدخول لإضافة تعليق.

التعليقات

2,037
  1. @kmr_rmdan

    اذكر ببكري قشيت السوق قش والنهايه ما انلبست حرام وربي خساير بمبلغ وقدره ع الفاضي جايبه مقاس نيوبورن ومقاس شهر والمستشفى ماقالو لي الوزن بس بطني كان كبير بالتاسع
    وبنتي جت 3 كيلو وزياده ماشاء الله كلها صغار عليها ولاحرمت وقضيت لها من 0_3 وانا بالاربعين وبرضو مو قدها ماشاء الله زاد وزنها ع تمام الاربعين ليتني انتظرت لين خلصت الاربعين بعدين شريت.. لا تلقفت اشتري واتخسر
    الحين توووبه حرام اصلا البيبي وخاصه بالشتاء يبي الدفاء والمهاد مالها داعي كثر الزبرقه اهم شي شي مرتب ويطول معه لان الصغار يتغير وزنهم باستمرار
  2. @afakq8

    صاحبة الموضوع
    قمر رمضان
    اذكر ببكري قشيت السوق قش والنهايه ما انلبست حرام وربي خساير بمبلغ وقدره ع الفاضي جايبه مقاس نيوبورن ومقاس شهر والمستشفى ماقالو لي الوزن بس بطني كان كبير بالتاسع وبنتي جت 3 كيلو وزياده ماشاء الله كلها صغار عليها ولاحرمت وقضيت لها من 0_3 وان…
    صح اذا وزن البيبي 3 كيلو واكثر حرام اخذين له نيو بورن لأنه خلال 3 اسابيع بيكبر وتصغر عليه الملابس ..
    مع ذلك انا احب اخذ له 3 بجامات نيو بورن يلبسها وتكون لابقة على جسمه والباقيات كلهم مقاس 0_3
  3. @afakq8

    صاحبة الموضوع
    هالمرة ان شالله بشتري 3 افرولات مقاس نيوبورن و 6 بجايم مقاس 0_3 كذا زين لأنو مايمديني اغسل كل يوم .


    وكذلك الأندروير باخذ له 9 قطع 0_3 تكفيه ان شالله .
    المهادات راح اخذ 4 بس لأني مو نوعي امهد البيبي على طول .


    وبما ان الجو شتاء وبرد باخذ له المدس حلو وراقي ويدفي بالمرة للطلعات وراح استعمله من البداية افضل من البدل الجاهزة وهو صغير مايتحمل افككه بالبرد ..
    البدلات راح اجهز له وحدة بس حلوة على ذوقي حق طلعة النفاس والبقية اكيد بتجي هدايا فماراح أكثر حراام
    .
    الفوط باخذ له وحدة كبيرة للسباحة
    و2 صغيرة ألف وسطه فيها وقت تغيير الحفاظ ..
    هذا شي اساسي لأني بكل بيبي استهلكهم بقوة وغالبا تتوسخ وحدة الا الثانية موجودة وما اتوهق ...
    .
    شنطة البيبي احرص دايم اوفر 2 وحدة كبيرة والثانية اصغر بالحجم ..
    الكبيرة دايم افضيها اول بأول وبس اعبيها للطلعات الطويلة والزوارات عند الأهل ..
    الصغيرة اسميها شنطة الطوارئ ما استعملها الا للطلعات القصيرة والمشاوير المفاجئة السريعة وتكون جاهزة ومعبيتها بكل احتياجات البيبي .
    احط فيها (أفرول كامل يغطي الرجل ، فوطة تغيير صغيرة ، 2 حفاظات ، كريم تسلخات ، قبعة ، مهاد ، مصاصة)
    واذا حصل واحتجتها اخذها واطلع طبيعي استعملها وأول ما ارجع البيت فورا ارجع اعبيها بكل النواقص واخليها بالخزانة لوقت الحاجة مرة ثانية ..
    .
    وبس هذي اهم الاشياء اللي راح اجهزها ان شالله مانسيت شي
  4. @fofh_alaarakyh

    انا للان ماشريت ملابس انتظر ينزل الشتوي واشتري ان شاء الله وماناويه اكثر
    بولدي امي وام زوجي شروا للبيبي ملابس كثيره واغلبهه كانت صغيره لان وزنه كان 3 كيلو و250 غرام ماشاء اللہ

تابعي تجارب أخرى من هذا القسم.