كيف ارفض الخاطب ساعدوني

صراحة يابنات والله اقسم بالله العظيم حالتي النفسية تعبت ..احسست حينها كاني محتقرة ولاقيمة لي ..يابنات تعبت تعب نفسي ..القلوب ليست بأيدينا ..وتعلقت بالموضوع بدرجة كبيرة والان ارى كأني في حلم ..اتمنى فقط ان استيقظ منه ..الهذه الدرجة انا ليس لي قيمة ..مطلقة ..كبيرة ..اااااااه ...احيانا اقول من خير لي منه سيتقدم ..ليس بسببه ولاكن قصدي من سيريدني ..اااه صعوبة الحياة

تمام اختي ..راح امسح من راسي فكرة الزواج ..واقطع الاتصال تدريجيا معه ..وادعوا الله فقط ..الحمد لله على قدر الله الحمد لله

مقارنة مع عمري مافي كبر

اختي الحبيبه الزواج قسمه ونصيب والواحد ما ياخذ الا نصيبه والحمدلله انت مو ناقصك شي ونصيبك بيجي ان شاء الله ياما شفنا وسمعنا عن بنات تزوجوا متأخر وربي عوض صبرهم خير وانت ابعدي من رأسك نظرة انك كبيره وتتعلقين بأي واحد لا يا اختي نظرتك لنفسك خلتك تتعلقين بواحد جالس يلعب ببنات خلق الله كل ماشاف وحده كلمها والخافي اعظم عمره 42يعني يا ترى كم بنت قد لعب عليها لكن بسألك سؤال
لو كنت اصغر سن كان قدر يقولك ولانت بتخلينه يلعب بمشاعرك ويقولك الكلام ذا السن مهما كبرت الوحده مو مبرر لطريقته ذي ابدا عزي نفسك والسن مو عيب وانتي مو كبيره وان شاء الله تاخذي سيد سيده وقوليها ع طول بوجهه انا مو اسبير عندك متى بغيت لو كنت اخر رجل بالعالم ما اخذك وقولي له لو تقدم شخص لاختك بنفس طريقتك بتوافق وصدقيني انك تكبرين بعينه واذا لك نصيب بتاخذينه بس عزي نفسك قدامه واذا راح فالدرب اللي تودي

كلامك مليان سلبيه وانتقاص من نفسك وكيانك وانوثتك ليش ؟
حرام اللي تعملينه في نفسك
كل شي مكتوب ومقدر لنا في هذي الحياه والدعاء باب فرج للعباد يبدل الاحوال من حال الى حال وفي طرفة عين
مو لانك مطلقه بنهاية الثلاثينات يعني تقبلين بالفتات والبقايا لتسدي بها رمقك وجوعك
الله اعزك واكرمك وانعم عليك بنعم عديده والحمدلله اكرمتي بالزواج مسبقاً غيرك لم يتم لها زواج وتخطت الاربعين كلها ارزاق مقسومه مانقدر نعترض عليها لان اعتراضنا لن يغير من الحقيقه ذره .
العمر والحياه قدامك ماتدرين ايش مخبي لك فأحسني الظن واحمدي الله واشكريه واطلبي من الله ان يكتب لك الخير وان يرزقك ويغنيك من واسع فضله وكرمه وان يجبر قلبك ويعوضك خير .

وعشان اعطيك تفاؤل وأمل واحد من اقاربي اعزب لم يسبق له الزواج وصل لعمر الثلاثينات وتأخر في الزواج وكان يرفض الزواج بسبب الاوضاع الماديه وسبحان الله اقتنع بالزواج لكن شرطه ان تكون اما مطلقه او ارمله ومعها اطفال عشان تتفهم وضعه ومايحس انه مقصر معها وماعيشها مثل كل البنات وتم زواجه من مطلقه ومعها اطفال يدرسون بالمدارس .
فلا تيأسين نصيبك ورزقك بيجيك توكلي على الله وفوضي امرك الى الله
قلبك بيحزن يوم او اسبوع او شهر ثم بتعرفين ان قرارك صحيح وبتندمين على كل لحظه ضيعتيها مع شخص غير جاد في الارتباط .