لو خيروك بين د. توفيق جعفر وبين د. بندر العبدالكريم، من تختارين؟

السلام عليكم ورحمة الله


بعد اختيار الله سبحانه باستخارة ، وبعد توفيقه وتسديده (يارب أجمعين)

س1/ لو خيروك بين د. توفيق جعفر وبين د. بندر العبدالكريم، من تختارين؟

س2/ ماهي أسباب اختيارك/رفضك للطبيب؟





كلهم بمستشفى الحبيب توفيق بالتخصصي وبندر بالريان

-- بالنسبة لـ د.بندر: نصحوني كثير به وماسمعت الكلام رحت لماجد الهدهد عسى الله يعوضني خير استنزفني بالتحاليل والأدوية يعدّل ويبدل بطريقة غريبة لحد ماوصلت التكلفة 14 ألف فقط للتحاليل والعلاج

من غير 10 آلاف للعملية!! وهذا شئ خرافي حتى أن طبيب الشركة اللي يعمل فيها زوجي قال مافيه شئ اسمه تحليل كل يوم وراء يوم! كل تحليل ب 639 أو 693 (نسيت) تحليل الهرمونات علما بأني سليمة ،

رحت وشفت د.بندر يتنقل بين عياداته فخفت انه يستعجل لأن الأعداد عنده كبيييرة ، حسب كلام الممرضة يستقبل أكثر من 70 مريضة يوميا بعكس ماجد أقل من 30

بندر أقدّر نجاح العمليات عنده بأعلى من النصف والله أعلم





- بالنسبة لـ د. توفيق ماأعرفه ولا رحت له، لكن قرأت كثير عنه المريضات يمدحوا في إجراءاته جدا ولاشفت أحد مستاء منه حتى اللي ماكتب الله لهم نجاح العملية




اللي لها تجربة أو لقريبة تجربة معهم ياليت تذكرها

25 تعليق 29,635 مشاهدة

شاركي في النقاش

سجلي الدخول لإضافة تعليق.

التعليقات

25
  1. @nouf1992

    هلا اختي
    كثير مدحوا لي الدكتور بندر العبدالكريم بس ما رحت له لأكون معك صريحة
    لكن أفكر اروح وتراجعت يوم قلتي يستقبل اكثر من 70 حاله


    ربي لا تذرني فردا وانت خير الوارثين
    الله يرزقنا يا اوخيتي
  2. @byn_kaf_onon

    صاحبة الموضوع
    عزيزتي.. الاستخارة توضح الأمر

    بصراحة زمان ماارتحت لروحتي له، والسبب مو منه بل مني..

    - إنه كان يشغل بمركز بنون التابع للدكتور عبدالعزيز الشهراني

    هذا الإنسان العشوائي اللي بدأ معي وسحب البويضات بدون أدنى جهد

    كل التحاليل اللي جبتها له قال مالها داعي، ولا حتى نظر لها بس قال للممرضة صوريها وحطيها بالملف (طبعا جبتها من مستشفيات ثانية علشان يشوف تاريخي الهرموني وحالة زوجي)

    ولا حتى طلب مني تحاليل.. حسيت الموضوع جزار وبيذبح له واحد

    المهم سحب البويضات وانتظرت اتصال المركز ولما تأخروا كلمتهم قالوا اتخصبت بويضة وننتظر الثانية

    بعدين بيوم الترجيع ماكلموني اتصلت قالت لي الاخصائية ماتخصبت البويضة!! كيف؟ أمس قلتوا تخصبت؟؟

    المهم ماسافرت ودخلت عليه بدون موعد لأني أصريت مع رفضهم وتوهني ماعطاني جواب.. فعرفت انه مركز بنون مادي وبس

    كل غايته اني أشتري دواء لزوجي اورثمول وشريته بألف وشوية ولانفعه، وعطاني برضو بروكسيد بلس لي علبتين ب 1400 ريال!! ولا نفعتني ولاقدمت ولاأخرت استمرينا شهرين

    بل انه ساءت نفسيتي وصحتي وتعبت المبايض بعد ماكنت سليمة تماما وماقدرت أعيد التجربة الا بعد 4 شهور


    المهم كرهت هذا المركز ولا قدرت أروح للدكتور بندر لأنه كان ضمن الطاقم.. حتى لما نقل لمستشفى الحبيب استمرت عندي العقدة

    لكن الآن الحمدلله أشوف اني أفضل وممكن اتقبله لكن الزحمة عنده قاتلة والمريضات متضايقات أشوف له 4 عيادات يدخل ع المريضة 5-10 دقايق وأحيانا 3 دقايق ويطلع للعيادة الثانية وهكذا

    فإن شاء الله أستخير وإذا ربي كاتب لي أسوي معاه بيتم الأمر بأمر الله
  3. @trd_alroh

    انا سويتها عند بندر وفشلت من كثر المدح اللي اشوفه عليه واغلب اللي بالتجمع اطفال انابيب معي مسوين عنده فشلو
    وهالمدحً حتى شكيت انه دعايات خلتني اركض لعنده وهو فعلا مستعجل ويحط العيب كله عليك حتى لو انتي سليمه مايهتم لحال الرجال وضعفه كل تركيزه ع التحفيز وماعنده شي غيره ولا يسوي لك تحاليل قبل العمليه ولا حتى تحليل هرمون الحليب ولا شي ولا يعترف بشي اسمه تحاليل يقول كلها خرفات؟؟ طيب ممكن معي هرمون الحليب ومعروف يمنع الحمل ممكن معي الدراسه فتامين دال ابد ولا شي يسوي ولا يهمه يعرف


    والله يشهد ع كل كلمه قلتها انه ماهتم حتى قلت له هل بطانه الرحم المهاجر تمنع الحمل وقلت ممكن فيني ولا اهتم فيها او طالب بتحاليل شي


    المهم ندمت اني سويتها عنده ولا افكر ارجع عنده ومختبرهم سيء الحبيب
  4. @trd_alroh

    ونصيحة لكل بنت اهم شي تسالي عن المختبر وجودته هو اهم شي بالعملية اهم من الدكتور نفسه المختبر اذا كان ممتاز يلقح لك اجنه كثيره عكس المختبرات السيئه ماتتلقح اجنتك اغلبهم وتحط العيب فيك بويضاتك ضعيفه او في زوجك انه ضعيف
  5. @hagh_thanyh

    نصيحه يابنات اللي تقدر تسافر وتسويها برا
    لا تتردد وتضيع وقتها هنااا
    تروح تركيا ولا ماليزيا دول مسلمه وجداً شاطرين فهالمجال




    اما من ناحية الدكتورين مااعرف ولا انا من سكان الرياض
    لكن الاغلب يمدحون بندر
    وبالنهاية والله هي رزق من الله علقي قلبك بالله
    كل اللي يعلقون املهم بالدكاتره مصير العمليه الفشل
    لان الرزق بيد الله مو بيدهم هم مجرد سبب من الاسباب


    بالنسبه لتحليل يوم ورا يوم اذا هو تحليل e2
    ففعلا هو مهم وعلى اساسه يزيدك الجرعه او ينقصها
    او يوقف تنشيط علشان لا يجيك فرط تنشيط
    انا كنت اسويه وقت التنشيط كل يومين بس اسويه مجانا
    لان شعره داخل ضمن بكج العمليه 15 الف هذا فالطبي الدولي
    حتى السونار والكشف وتحليل الحمل الهرموني كلهم من ضمن بكج العمليه كامله


    لما سويت تلقيح بسمير عباس كانوا يسونه لي كل مره ب 200
    وفعلا كان جداً يستنزف الميزانية
    فعجبني صراحه نظام الطبي الدولي مريح نظام البكج

تابعي تجارب أخرى من هذا القسم.