التباشيـ4ـر لحوامـ(سبتمبر وأكتوبر)ـل💙💗

عظم الله اجرك ياقمر وربط على قلبك وقلب ابوة وجعله شفيع لكم يوم الدين . الله يعوضك بالقريب العاجل فرحه تنسيك اوجاعك وهو القادر اللي مايعجزة شي

بناات هل شرب الاعشاب ( كمون قشر قهوة يانسون ..الخ ) يوميا او يوم ورا يوم يخلي الوحده تتاخر ماتطهر او او عادي ؟
وانتم وش تسوون عشان تطهرون بسرعه
ماودي اطول مرة وانا ماطهرت لاني اذكر يوم نفاسي بولدي طفششت ماطهرت كلما طهرت كم يوم وتكون طهارتي جفاف فقط مايجي قصه بيضاء وبعدين يجي بعد هالجفاف دم احمر فاتح وصلت يمكن يوم 50 وانا كذا .. حوسه واحترت مع الصلاه كنت اصلي اذا جاني الجفاف .. الله يسهل .. وصرت ادعي ربي يطهرني طهارة تامه وتنزل قصة بيضاء،والحمدلله طهرت اخيرا .. يا رب هالمرة اطهر بدري طهارة تامه قبل 40 يا رب

الدم ماينقطع يروح ويرجع
بس ع خفيف
بالنسبة للصلاة مااقدر افتيك.

يسعد مساكم رفيقات الحمل ..أولا وقبل احكي قصتي حبيت أشكركم واحده واحده هي كانت اسابيع قليله معرفتي فيكم ارتبطت فيكم وصرت أشتاق اسمع اخبار مفرحه عنكم الحمدلله على سلامة من ولدت.. والف مبروك ماجاكم.. واللي لسى ما أنتهى مشوارها الله يخارجها وييسرلها وتطلع بالسلامه..
طبعا مايخفى عليكم وضعي الصحي وقت الحمل وسبق وحكيت لكم ان بنصف السابع نزل مني دم ورحت المستشفى واعطوني ابر توقف الطلق واخذت ابرة الرئه للجنين.. وجلست شهر بالتمام وأنا في تعب وهم وغم وتفكير لايعلم فيه الا الله وثاني العيد قلت لكم جاني الم بظهري وبطني يشد ويرخي الين ثالث العيد العصر رحت المستشفى وقالت عندي طلق خفيف ولازم تنويم رفضت التنويم وخرجت على مسؤليتي رجعنا البيت وانا احس الم يزيد بس تصبرت قلت ممكن يخف تعشينا بعد المغرب ورحت استرخي مافي امل يخف بالعكس جالس يزيد الالم حتى وصلت الساعه 10 قلت لزوجي ماعاد اقدر اتحمل رجعني المستشفى وكان الالم يزيد والطلق متتظم بعد كل خمس دقايق وصلت الطواري وعلى طول طلبتهم يدخلوني التنويم لإن عندي امر بالتنويم من العصر جت الدكتوره قالت لازم كشف داخلي تشوف الرحم توسع او لا وقتها عرفت إني قدام الامر الواقع وهل الم مستحيل يخف لإنه جالس يزيد قالت لسى 3سم واعطوني ابر توقف الطلق وابر مسكنه مافي امل أهدأ صياح ونياح في الغرفه وحالتي تكسر الخاطر وكل ساعه تجي الدكتوره تكشف داخلي قالت الرحم نفس الشي والراس مانزل الحوض وسألتني هل ابي اولد طبيعي رفضت وقلت لها لا ابي عمليه خفت تتكرر مآساتي الاوله وفي الاخير يولدوني عمليه اتصلوا على دكتوري بندر العبدالكريم ماخذ اجازه 😭 ومارد عليهم وانا اصيح يابنات الم الطلق مايحتمل 💔 واقول بسرعه ابي عمليه شوي قالوا اوقع على العمليه يادوب شفت الورقه وشخبطت لهم واتصلت على زوجي يرجع وقتها كانت الساعه 3 شوي قالوا بتعمل لك العمليه خالده العتيبي تطمنت شوي لإن عليها مدح كثير وبين الم الطلق وانتظار التخدير كأنها الف سنه 😭😭 دخلوني العمليات وجالسين يجهزون ودكتور التخدير يروح ويجي وانا اصيح تعال خدرني يرحم امك اخلص والنيرس تهدىء فيني وانا ماعاد اشوف احد شوي دخلوني غرفة العمليات وقالوا لي اجلس واحضن مخده عشان ابرة الظهر والتخدير نصفي كلها دقيقه او دقيقتين وانا اناظر واضحك يالله وين راح الالم حسيت أني في قمة السعاده ونسيت الخوف والتوتر شوي الدكتوره دخلت واسمعهم يقربعون ويقربون الحضانه حقت البيبي ودكتور التخدير فوق راسي وقتها كان معصب زي اللي يقول ماتركتينا ننام 😤 اذن الفجر الله وأكبر كانت غرفة العمليات ثلج وانا ارتجف غطاني الدكتور ببطانيه من صدري وفوق شوي اسمع صياح النونو وا وا واو سألت الدكتوره صوت مين هذا 😂 مفهيه قالت بنوتك بس ماشفتها 😢 وقالت عندك التصاقات راح افكها لك وجلست يمكن نصف ساعه بعدها وهم يخيطون شوي نقلوني على سرير ثاني وغطوني وودوني غرفة الافاقه وحطوا لي جهاز يطلع هواء ساخن وانا ارتجف بشكل موطبيعي بعدها هدأت والنيرس تراقب ضغطي ونبضات القلب يمكن ساعه حتى بدأت احس شوي برجولي اخذوني وودوني الغرفه لقيت زوجي ينتظرني وانا مبسوطه حسيت بكل شي ولاتعب صدري ولاكحه ولابلغم ولا دوخه حتى هو يقول ماشاء الله شكلك غير عن العمليه الأوله واسولف واضحك.. وبنفس الوقت خايفه على النونو حطوها في النيكو واعطوها اكسجين اول يومين وشالوه وزنها كان 1.9 وطبعا نقص حتى وصل 1.7 وإن شاء الله يوصل وزنها 2كيلو راح يطلعونها دعواتكم 😢
نكمل حكايتنا 😁 طبعا أول ماطلعت تعطرت اول يوم كان في صعوبه في المشي مازارني احد أهلي في منطقه ثانيه ولا اعرف احد غير صديقه واحده جتني اليوم الثاني وبعدها تعبت مره كانت متعطره هي وولدها اتوقع من العطر مع اني تعطرت جاني الم مكان العمليه وجسمي مكسر وارتجف ومع المسكنات يخف شوي مانمت هذيك الليله ووضعي متذبذب مره احس اني احسن مره اتعب طلعت امس بيتي واخذت شور وهويت الجرح وعقمته طبعا برضوا الشغاله الهبله عطرت غرفتي وتعبت.. يابنات في القيصريه احس مو مثل الطبيعي ابدا اي مصدر للعطر او للبخور يأثر مهما قالوا لك تعطري لإن المنطقه كلها جروح فالأفضل تبتعدون عن هالأشياء لإني والله ما اتوهم تعبت مره وكله بسبب العطور..بخروا بمر او خواجوا هالأشياء عادي وتحمموا بصابون طبي هي فترة اسبوع وبعدها حطوا اللي تبون ..وهذا انا اكتب لكم واحس اليوم إني افضل وفي نقطه كمان مهمه في المستشفى مكان احد معي او احد يطبخ لي شي حار فكنت اكل فطاير واكل المستشفى الحمدلله.. ما احس اني بدأت اتحسن الا لما اكلت طبخ بيت لحم مرق عسل سمن مع اني ما احب هالأشياء بس فعلا والله ترم العظم..ولاتنسون المشي حبه حبه واذا انسدحتوا حاولوا يكون مكان العمليه مكشوف بين فتره وفتره عشان التهويه وسألت دكتورتي عن الربط بمشد قالت بعد الاربعين اربطي زي ماتبين وحاليا تقدرين تلبسين شي خفيف لرفع البطن زي رباط ناعم او مشد مرخي جدا مجرد يرفع لك بطنك
ترى من الساعه 7اكتب 😂 اوقف وارجع اكملأي استفسار انا حاضره والمعذره لو احد استفسر مني قبل ومارديت لإني الصفحات كثير.. وأعتذر على الاطاله
والله يبارك في كل اللي باركوا لي وامانه لاتنسوني من دعائكم 🌸🌸

بنات طمنوني عنكم ماقدر اتصفح مين ولدت بعدي
راما وش اخبارها..