🍼التجمع(5) لأمهات يناير وفبراير2017 🍼

هههههههههههههههه مافيه أحلى من التمدد بس اذا زاد عن حده يصير ملل ، ، انا قبل سنتين كان وقت فراغي اكتب دايممم وأستمتع في الكتابه بس بعدها صار الضغط اكثر من ناحية الدراسه ووقتي يروح مابين دراسة وبيت وشغل ماصدق انه تجي الخميس والجمعة عشان اطلع أو اتمدد وارتاح وانام زين بس الحين لو ارجع اكتب ماعرف مثل قبل 😭 كانت حلوة مره بس مع الوقت جلست فتره طويلة بعدها ماعاد عرفت أتقن واحب الخياطه من زمان بس بأول ثنوي قبل سنتين أخذت خياطه وسوينا تنوره وكانت الأستاذة دقيقه جدا تعبنا معها وصرنا نفرح لمن تغيب أحب لمن اتعلم الشي مو لازم اني اتقنه بسرعه اسويه كم مره بس عاد المدرسه لازم تسوين الشي مضبوط ف عشان كذا حسيت أن الخياطه صعبه ويقولون مايدخلها الا واحد عنده صبر عاد ودي أتعلمها واصير افصل ملابس 😍 والكروشييه جمممميل مره يعجبني بس ماعرف له بالمره صعب علي ومااميل لأني اتعلمه

بنات الله يسعدكم اللي ساكنه في الرياض وتعرف مكان سوق يبيع كراسي الأطفال حقت النوم بأسعار حلوه تقولي المكان والأسعار أو موقع فيه أسعار حلوه بس انا احب أنزل السوق بنفسي واشتري ماحب من الجوال 😂😂😂 عشان أضمن مدري ليش

روحي للمحلات العاديه لاتروحي لماركات ولا موقع تلقي اسعار ارخص ونفس الجوده

خلاص ان شاء الله تكون التحديثات كل فترة وفترة مع الكروشات بالردود .👍🏻


والله هوايتي ذكرتها هنا من زمااان وكل من سمع بها او عرف عنها ضحك علي منها وظهرت فجاه من حملي الاول .😀


اذا حملت يجيني هوس غريب بقوائم الاكل والمنيو اللي فيها صور لطلباتهم .. مابي اكل ولا اطلب منهم شي لكن اجلس كم شهر اجمع في هالمنيو والاوراق والدعايات وتصير عندي كومه كبيره منها .😅


وياويل احد يرمي منها شي او يقرب منها كلها حقتي .😠


والله يرحموني يقولون بنطلب لك اذا بخاطرك شي منها واقول لهم والله لو تجيبون لي من احسن مطعم ماراح اكله كبدي تنقلب من الاكل مابيه .. انا امخمخ على صور الاكل والتصوير الاحترافي لها مابي اشم ريحته ولا اذوقه لكن بتفرج على شكله .🍔



واذا ولدت قلت خير ان شاء الله وين كان عقلي فيه اجمع هالقشاش😟 ؟ وارميهم . واذا حملت مره ثانيه اعض اصابع الندم اني رميتهم واجمعها مره ثانيه .😭


وحاليا الله لايبلانا طايحه في مقاطع الانستجرام اتفرج على الكوريين وهم ياكلون .. ياربي متاكده اني بندم لاولدت لكن غصب عني افكر في صور الاكل ليل نهار .😓

الله تجنن هواياتك ومتاكده انك مبدعه فيهم خصوصا طبخ الحلويات يبي له مهاره .😍


وان شاء الله راح تبدعي في الكروشيه لو عزمتي عليها وتعلمتي من مصدر صح مادام ان عندك حب اصلا لتسريحات الشعر والظفاير .✌🏻