الحياه تغيرت تشوفون اللي أشوفه 💔

السلام عليكم وصبحكم الله بالخير خواتي
صلو على من هو أشرف خلقه
اللهم صلي وسلم على نبينا محمد افضل الصلاه واجل التسليم
موضوعي اليوم نناقش في حالنا هالايام والتغير اللي صار الله لايغير علينا الحال إلا لأحسنه يارب
قولو أمين
أشوف الناس تغيرت وصارت تحقد وتحسد وتشيل بخاطرها رحت هالسنه لديرتنا طبعا انا ساكنه بمدينه تبعد عن ديرتنا ب1600كيلو ونروح نصيف لديره كل سنه طبعا انا متزوجه واهلي ساكنين معي بنفس المدينه لانحن انولدنا فيها وعشنا فيا وتزوجت وزوجي بنفس المدينه اللي فيها اهلي
مالكم بالطويله......
رحت لديره واهلي سبقونا والله لايجعلني اعيش فيها يارب يارب يارب جوها زين وارضها زينه
بس اهلها تحسسسسسد وتحقد وماتخلي حدن بحاله
يمه منهم ياناس ليش قلوب البشر تغيرت ليش هالكره والقطاعيه ماحضرت عرس الا وكل عايله متزاعله مع عايلتن ثانيه ياسلايف ياخوات يايايا ياناس متهاوشين على ارض ياذيك زعلانه من فلانه مازارتها ووووووو وحده من بنات قرايبنا تطلقت لها سنتين يوووووووووه علكوها الناس ماخلو شي الا وحطوه فيها وقال فيها وفيها وتزوجت البنت بعد طلاقها ولا خلوها في حالها
والله والله اني صيفت ورجعت وانا خلاص ماعاد طقت أحد كرهتها في ناس سويتي فيهم معروف وقلبوا عليك وفي ناس غيرانه منك وتفتن عليك عند ناس يوووووووه بس ابغى اهج واروح اسكن بعيييد مابي قريبن لي يحل جمبي وانا اقول لزوحي تكفى نشتري بيت ولا ابي احد يقرب منا خليني بعيده وأفتك من المشاكل والقيل والقال
والله ان خالي مقاطع امي يشهد الله مابينها وبينه شي وامي مسكينه ماتدخل فيهم ابد وله يمكن 5سنوات مقاطعها
ورب المصحف ولا انزه نفسي انا انسانه مااشيل في خاطري على حد والتمس الف عذر لاي شخص يبدر منه غلط حتى لو علي وكم مررررررات ومرررات
بس اصفح وماشيل بخاطري واسولف معه ولا كن فيني شي
مرات اقول لا لازم اتغير هذا ضعف فيني خليني قويه
والله انهم قويات وقليلات حياء ووسيعات وجيه ولهم كامل الاحترام ويحطون لهم الف حساب
واللي عالنيه وطيب يخلونه شماعه واي غلطه محسوبه عليه على قولتهم غلطت الشاطر بعشره
صرت انا انسحب من كل الي حوالي واكتفي بأهلي وأخواني وخواتي والناس الباقيه لهم كل احترامي لاني تعبت من النفاق والكذب والحش والحسد والحقد
الله يكفينا واياكم
انتوا مجتماعتكم تغيرت تشوفون اللي اشوفه

25 تعليق 3,869 مشاهدة

شاركي في النقاش

سجلي الدخول لإضافة تعليق.

التعليقات

20
  1. @bnt_alsltan_77

    لاتحاسدو ولاتناجشو ولا يغتب بعضكم بعضا


    الدنيا صارت تخوف حسد نفاق غيبه بهتان فساد
    القابض على دينه كل قابض على جمره
    ابعدي احسلك ولاتجالسيهم
  2. @alakht_alrabaah

    صادقه مدري ليش مجتمعنا في الديره كل حسد ونفاق وواضح الحسد علمن الديره مثل ماقلتي تهبل وجوها زين الله المستعان

تابعي تجارب أخرى من هذا القسم.