السلام عليكم
حبايبي بغيت أسألكم اذا أحد مرت عليها هالحاله
ولدي عمره شهر و4 أيام صوته صاير مبحوح لاحظت عليه أمس واليوم مع اني وديته للدكتور شاف صدره والاكسجين مافيه شي طبيعي وهو صاير يبكي من مغص بطنه هل ممكن صوته متغير من الصياح والبكي
شاركي في النقاش
سجلي الدخول لإضافة تعليق.
التعليقات
7- الله يحفظه لك اذا وديته دكتوره وحلقه وصدره سليم يمكن من البكى كم يوم ويرجع
- اتوقع مافيه الا العافيه كذا فيه اطفال اصواتهم مبحوحه وتطلع مع الوقت
- وعليكم السلام ورحمة الله وبركاته .
ايه بعض الاطفال ينبح صوتهم من البكاء فقط مايتحمل كثر الصياح ويتغير صوته .
خصوصا اللي ماتعود اصلا انه يصيح كل ذيك الفترة .
وبعضهم ماشاء الله تبارك الله ربي معطيهم قوة في الصياح عنده استعداد يصيح الليل والنهار والوضع طبيعي عنده .
شوفي سبب صياحه من المغص ، هل غيرتي الحليب او انه يصيح من الجوع كمية الرضعه ماعاد تشبعه او الرضاعه ماكانت نظيفه .. كل الاسباب شيكي عليها لاتتركي شي .
وممكن تعطيه شوي ماء غريب يساعده على تهدئة المغص ويطلع الغازات .. اقري التعليمات كم مقدار الشراب للعمر وان شاء الله يساعده . - ولدي انبح صوته بالاربعين من البكاء يعني طبيعي
- بنتي سنه وشهرين وصوتها مبحوح من دون سبب كل طفل وله ميزته
مواضيع مشابهة
تابعي تجارب أخرى من هذا القسم.