المجتمع لايرحم ام البنات

السلام عليكم ورحمة الله وبركاته
انا نفاس لي ثمان ايام وجايبه بنت طبعا هاذي البنت الخامسه الله يستر عليهن
المجتمع ذبحني برمي الكلام شي صريح وشي من بعيد لبعيد حتى زوجي وربي من طلعت من المستشفى مارفع السماعه يتطمن علينا ولاسمى البنت كله من تأثير الكلام الي يسمعه من المجتمع قطعوني ام بنات
لدرجة وحده تقولي خوذي من دار الايتام ولد ورضعيه مع بنتك منها تكسبين اجر ومنها يصير لهلبنات اخو يسندهن وربي انفجر بكاء الله يهب لمن يشاء اناثا ويهب لمن يشاء الذكور ويجعل من يشاء عقيما لكن من يتفكر في هالايه ما اخفيكم كنت متمنيه الولد واحلم دايما وانا حامل اني جبت ولد
انا وربي بناتي عندي بالكون كله لكن ما اتحمل غثا ورمي كلام حتى اقرب الناس امي يوم علمتها اني جبت بنت بكت كثيييير راحمتني من هالمجتمع




الحين وش رايكم افكر بعد ست شهور احاول بكل الاسباب للحمل بولد او اكتفي بالبنات وانسى الحمل نهائي لان حملي صععععب ومتعب وانا عمري 37


ضايقه فيني الدنيا ابي رايكم وشوركم ودعائكم

75 تعليق 10,430 مشاهدة

شاركي في النقاش

سجلي الدخول لإضافة تعليق.

التعليقات

73
  1. @tonh_olonh

    الله يرزقك بالولد البار الصالح


    المجتمع ماراح يرحمك حتى لو جبتي ولد بيقولون جيبي اخو له
    يحسسونك انك انتي تختارين


    ياقلبي احملي وخذي بالاسباب بعد الاعتماد على الله والدعا ويارب تبشرينا بالولد
  2. @nouna_moon

    بسم الله الرحمن الرحيم
    اختي احمدي الله علي نعمة الذرية وما يهمك كلام الناس ... و شو فيها ام البنات ديه حلوة اوي
  3. @am_nayf_onadr

    الله يبارك لك في بناتك ويرزقك برهم وصلاحهم


    لاتفكرين الان الا بصحتك وخليك مؤمنه ايمان تام ان الحمل بالولد اذا ربي كاتبه لك راح يجي وبدون تخطيط منك
  4. @hms_alnsym_14

    مدري انتوا أي مجتمع
    من جد اتكلم
    نحن عندك مرة اخويا جايبه 3 بنات وعادي صحيح يتمنوا
    ولد بس عادي مافي أحد يتكلم ولا يزعل بالعكس يحمدوا ربهم ويشكروه وبناتهم عندهم بالدنيا
    الله يرزق كل من تمنى الولد الصالح

تابعي تجارب أخرى من هذا القسم.