تفكك اسري وتفكك علاقات والشعور بالوحده

@noarh_2018

  • مساؤكم سعيد

اخواتي اتعجب ماعاد احد يسأل بأحد
انا مطلقة واعيش عند اهلي
انا اعيش بأسرة كل اخواني واختي نعيش بنفس المدينة
يادوب يمرون علينا كل اسبوعين ثلاثة
تكلمنا عاتبنا نصحناهم مافي فايده
اختي اتمنى انها مثل الاخوات انا أمر بظروف صعبه تمنيت تعزمني عندها والا تمرني تخرجني تحس فيني.عندها سواق
للاسف انا اعزمها وتعتذر واحيان اقولها بجيك تعتذر ولاعاد تعزمني..وتتعامل معانا برسمية مرررره اتعجب منها..حاولنا نفهمها احنى اهلك تعاملي معانا مثل بيتك
ووالله امي طيييبه وكلنا اذا جونا نشيلهم شيل هي واولادها
وزوجها مو السبب بالعكس طيب ويحب الناس واجتماعي وبار بأمه وابوه واهله
زوجات اخواني علاقتي فيهن رسمية
يجون للواجب بس
ومستحيل اطلب منهم اروح لهم والا اخرح معهم مااحب افرض نفسي
لانهم اصلا ماسألوا
معاي بالبيت اختي بالجامعة ولاهيه بدراستها وزميلاتها
وامي فديتها وماتحب تخرج ابدا
وصديقاتي تغيروا كلن لاهي بنفسه كنت اسأل،واتواصل لكن للاسف مافي اهتمام
فتجاهلت مثلهم
عمري 39 سنة..نفسي اشغل نفسي وانسى كل مجتمعي ولاعاد اتذكرهم ولاكنهم موجودين
لكن لامادة ولا شي اقدر اشغل نفسي فيه
انا احفظ القران مع حلقات عن طريق النت
وادخل دورات عن بعد
لكن مازال عندي فراغ كبيييير
وماحد يخرجنا اخوي ساكن فوقنا ولاهي
والسواق محرم عندنا
الزواج محد تقدم الا شياب مررره
ورفضت ماراح اعيش بقية عمري ممرضة
دعواتكن لي

19 تعليق 1,309 مشاهدة

0 0

شاركي في النقاش

سجلي الدخول لإضافة تعليق.

التعليقات

19

  2. @alalmas_99

    • غريب من أختك كان مفروض هي اللي تكون معاك
    • لكن فعلا اشغلي نفسك واتركي الكل اسأل الله يغنيك عن خلقه أختي

  3. @roh_amyry

    ياعمري اذكر موضوعك من يومين
    الله يرزقك الزوج الصالح اللي يعوضك كل لحظة الم
    الحي ع السواق خصوصا ولدك كبير ومحرم لكم قولي من حقنا نطلع ونجي ونشم هوا .. ياتطلعونا تخصصون لنا وقت ولا تسمحون نستخدم السواقين بالمشاوير


    كثر الالحاح والمطالبه بيتحركون ويتلحلحون


    اما ساكته وعزة نفسك ماتسمح تطلبينهم و و و عز الله محد متحرك .. هالزمن يبيله الواحد يوقف بقوه ويقول لي حقووووق وانا انسانه مثلكم اطفش وبطلع و و و و ومهما صدوك مع الوقت يبون يفتكون من كلامك ويسمحون لك


    حتى لو تاصل تكلمين اخوانك المتزوجين وتقولين مروني لاطلعتوا نفسي اغير جو .. تلقين حريمهم يزنون يجيبون لك سواق خاص بعد


    الله يفرجها عليك وعلى كل مسلمه

  4. @shyhanh_11_1

    للأسف في هالزمان اذا ماشلتي نفسك محد راح يشيلك
    انا رأيي اشتغلي العصر واذا لك طلبات اطلبي من اخوك الي فوقكم مو عيب ولا حرام اذا وداك وجابك ...اخوك وواجب عليه. .

  5. @mlathmkh

    ياحياتي انا مثل وضعك لا وعندي اولاد وكلن لاهي بنفسه ياعلى جواله يا مع اصحابه والبنت ما اسمع ضحكتها الا اذا كلمت صديقاتها الله المستعان والله جالسه لوحدي طول اليوم لا اهل يسألون ولا اخوان كلن لاهي بنفسه وحياته
    نصيحه لك ياقلبي ادخلي دور تحفيظ القران شوفي لك دار كبير احفظي معاهم القران وراح تنزل بركاته عليك راح تحسين بسعاده وراحه نفسيه سبحان الله كل الي بدار التحافيظ اخلاق وطيبه مع الوقت بتزورينهم ويزوروكي واذا غبتي يفقدونك ويسألون عنك غير راح يكون بركه في وقتك واعرف كثير تزوجوا عن طريق التحافيظ الله يوفقك ويسعدك

تابعي تجارب أخرى من هذا القسم.