نبغ قصصكم مع مواقف تدعين لصاحبها سنين

اما انا اه رحت عمره وخرجت من باب غير الي دخلت منه يعني شبشبي ضاااع كان الوقت 11صباحاً الدنيا نااااار وخرجت من الحرم بدون حذيان واطلع عند المواقف ارجولي انتهت انصهرت الا شافني رجال وقال يا الأخت والتفت ورا وأعطاني حذيانه وانا اقول لا لا مسويه نفسي مستحيه وجلس يقول لي عادي خذيه الدنيا نار نار وأخذته قسم بالله انه يمشي ع كعوبه وأطراف اصابيعه ومشى بسرعه وركب اجره
اسأل الله ان يضله في ضِل عرش الرحمن يوم لأضل الا ضله

عشنا يتمان انا واخواني كان فيه رجل كل شهر يمر
يعطي امي 2000 لحد ماتوظفو اخواني والشخص هذا منعرف منهو احيانا يرسل زوجته واحيانا هو يجيب المبلغ والى اليوم مانعرف منهو هالشخص
لحد ماكبرنا وخذنا ورثنا وراضينا من عمي وتوظفو اخواني
ولا زالت دعاوي امي وانا واخوتي لاتنقطع عنه

الموضوع رائع وحمسني أعطي بدون مقابل

انا موقفي مع انسانه مستحيل أنساها
صار علينا حادث يديره تبعد 400كيلو عن ديرة اهلي وكأن معي أبوي وأختي فقط طبعا أبوي وأختي حالتهم حرجه وانا سبحان الله ماجاني شي حتى مافقده الوعي طبعا كنت اشوف كل الأحداث
تجمع الناس علشان يسعفون وانا مثل المجنونه بينهم حتى طرحه وحذاء وأنتم بكرامه مو علي بس العبايه على كتفي وطبعا تجمهر رجال وانا بينهم مثل المجنونه
نزلت حرمه من سياره وبدت تهديني وطلعتني معاهم بالسيارة وكلمت زوجها بيمشي ورأى سيارة المسعف لمن يوصل الإسعاف كان مشوار عن اقرب مدينه50كيلو
طبعا لمن صادفنا الإسعاف وقف المسعف ونزل أبوي وأختي وانا رفضوا يطلعوني لان مافي مكان كملوا معاي لما المستشفى
وخلت زوجها يشتري لي طرحه ومداس
ونزلت معاي المستشفى ومعاي بكل الإشعه وجلست تطمني وجابت لي اكل جلست معاي لين ما اخوي وعمي وصلوا تقريبا اكثر من اربع ساعات
وبعدين زوجها كان مع اخوي وعمي طبعا بلغهم ان أبوي وأختي توفوا الله يرحمهم
وكان يصبرهم ويهديهم
زوجها أخذ رقم عمي
وانا طلعت من المستشفى وبالعزاء كانت طول الثلاث الأيام معانا كأنها اخت لنا
مع انها مو من ديرتنا
وصارت كل فتره تمر علينا
كانت مثل البلسم كلامه جميل وهادي الله يكتب لها الأجر والله امي تدعيلها على طول

موضوع جميللللل
الله يرزقنا من يدعي لنا ..