انخطبت ابي مشوره دخلو ضروري

صراحه الله يعينك وماابي اخوفك بس انا تزوجت ملتزم وندمت لانه معقد مرا وكل شيء عنده ممنوع ومايصلح كرهني في الحياه
طبعا انا مااعمم على الكل لكن اللي يجيك مشدد اهم شيء انتبهي لهالنقطه

ردي بيكون قاسي عليك وعلى كل بنت مثل تفكيرك
لكن ابقولها بيييين قوسين ( الحرمه اذا كبرت انهبلت وزاد اشرطه ووسع الخيال والاوهام عندها )
صارت ام 18 اعقل منكن مليووووون مره
اكبر خطا يرتكبونه الأهل ببناتهم تأخيرها عن الزواج الى بعد الجامعه واذا تخرجت خلااااااص قامت تشرُط وترفض اغلب الخطاب شي نفسي لا اكثر ولا اقل
وبالنهاية تزوج على اخر العشرين او 30 وفوق ومن ياترى فارس الأحلام اللي جلست عمرها كله وهي بس ترفض الخطاب تدور المزيون اللي يلبس جينز وساعات ابو سياره كشخه وأبو نظارات شمسيه اخر شي شخص عادي مثله مثل اي خاطب طق باب بيتهم مثل طقة اخوانك من نفس اللي حولك إنسان عادي جدا وهذا اللي رفضت الخطاب علشانه


اصحي يارررروح ماما اصحي من الغيبوبه اللي عايشه فيها
وأفقي على ولد الناس وهذا وجهي اذا ماجيتي هنا وكاتبه فديت زوجي حبيبي وصار بنظرك شي ثاني الزواج عاااااالم اخر عااااالم ثاني ماله دخل لَبْس كشخ ولا ماكشخ عيشي التجربة بعدين تعالي يالصمت القاتل قولي لنا افكارك هذيك وش كانت الكلام لك ولغيرك

هذا هو اللي مخوفني عمري 29 عشان كذا كتبت الموضوع واللي حولي يقلون انتي خبله اذا ترفضين
الله يجزاك خير ع الرد حبيبتي

كلامك ذكرني بالي تتشرط وتطرد العرسان لين عجزت وماقد أعرست
بقولك عني زوجي كل بنت تتمناه بسبب شكله ومع العشرة مايسوى شيء
صدقيني نادر تلقين رجال صاحب أخلاق ودين وإذا جاك لاتضيعينه من يدينك وأتركي المظاهر فكري كيف معاملته تكون مع العشرة
بعدين ياكثرهم مطاوعة موفرين لحريمهم قنوات وأجهزة ماعد فيه تشدد و

استخيري واستشيري
انا زوجي ملتزم ولمن تقدملي اتذكر اخوي يقول هيئته كأنه من رجال الهيئه ولايلبس عقال
وكنت خايفه وابكي وادعي رعم اني كنت مشترطه انه ملتزم يكون
ولكن الديكور حسيت مو مثل ما أبي لان تهمني الاناااااقه والتناسق
وتيسرت امورنا وملكنا وقلي مره انا قابل لتغيير
وانطلقت من هنا
بنكمل 3سنوات زواج والكل متفاجأ من اناقته وتغيييييره والله يابعضهم مايعرفه
وللعلم ذوقه يجنن بس ماكان احد يعلمه
والحين احيان يطلع لدوام كأنه رايح لزواج وريحه عطوره تبقى في البيت من تركزيها رغم انه طلع
يارب ان كتب هذا الشخص من نصيبك يكون سلس معك ويقبل انك تغيري فيه بما يرضي الله
بس لاتفسديه تجلسون على افلام ومسلسلات والله ماهي رومنسيه افتح عيون زوجي على حريم الغرب المتفسخات
كلما بغيتي جلسات رومنسيه سويلك بدون شي يغضب الله واذا حبك بيريحك وبيسمع نصايحك
الله يوفقك ويسعدك ويكتبلك الخير وين ماكان