في ازوج كذا !؟ ولا بس زوجي الي احسو مشدد بلمره علي

ليه وافقتي من اول ما قال لك احذفيها
ليه ماًناقشتيه
الحياه مو كذا
مو صحيح اني اقول له سم ولبيه على كل شي
هذا ناوي يلغي شخصيتك تماما
انا بالنسبه لي صديقاتي من ضروريات الحياه وانا. مو طفله عشان اي احد يمشيني على كيفه او يخربني على زوجي
لآزم الوحدة منا تكون لها شخصيه مستقله وتفرض احترامها على زوجها مو هو اللي يختار لي من أكلم
اوف نرفزني الموضوع
الله يكون بعونك
هذي يا عزيزتي بداية لتنازلات اكبر واكبر انتبهي لنفسك

حتى لو صغيره صديقتي كانت باول ثنوي وتزوجت
وواصلتنا ماقاطعت تبد وتحضر جمعاتنا وكل شي
لاتسمحين له يتحكم فيك .. بس دامك سكتي من اول مفروض من اول ماقاله استنكرتي وانصدمتي بكلامه وشككتيه بنفسه انه من اي عصر جاي
لكن دامك وافقتيه وفجاه تبين ترجعين لهم لا تناقشينه بعصبيه بيقول احد وازها علي ..!
جملي كل برامجك ولين جا قوليله تراني رجعت كل البرامج
بهدووووء .. واذا عصب وماعصب بكل هدوء قوليله تراني ماني بزر تقطعني عن الناس مثل مالك اصحاب تروح لهم انا احتاج صديقاتي بعد ..
هذول صديقاتي من قبل لا اعرفك عشرة عمر .. واثبتي ع كلامك وطنشيه بيقعد معصب كم يوم ويرضى

انشبي له علميه كيف يقدم على هالحركه
انتي الحين وحيده لاصديقه ولاشي
خلاص يعوضك هو يطلعك يجلس معك
مو بكيفه يحرمك صديقاتك ولا فيه بديل
حسسيه انك يوم راحو صديقاتك انك وحدانيه
وانه لازم يعوضك خليه يندم انتي وشطارتك
بكره يقول حقي برقبتي
وانتي ترى غلطانه يوم توافقينه بكل شي
هذا زوج ماهو سيد
يعني الحياة بينكم اخذ وعطى
اما يفرض رايه ويحسسك انك سجينه عنده
لاترضين خلي لك شخصيتك المستقله ولاتعطينه وجه
اطيعيه بما فرض عليك من حقوق
ولا تخلينه يستعبدك

يمكن يابنات يكون هو تربى كذا عند اهله
يعني خواته مايروحون ولا يجون وامه بعد
ومايجيهم ناس كثير ..فوضع الصديقات شوي غريب عليه
لكن شوي شوي يوافق لان كثيرين في بدايت الزواج كذا
وبعدين تهدا المشاعر هذي

الحل ..انك تجين عنده وتحطين قهوه والجو هادي وقوليله حبيبي ابيك تغير رقمك وتمحي كل برامجك وربعك من اليوم ورايح ماتتواصل معاهم ولاتروح لهم من البيت لدوام للمسجد للبيت فقط الربع يهربون ويعبون راسك لاقال شي قولي اجل ليع تقولي غيري رقمك واحذف برامجي وارك صديقاتي حالي حالك يانك تسوي كيذا مثلي ولا انسى الموضوع لاتتدخل فيني