الي كانت تدعي ربها تتزوج وتزوجت تدخل ؟

ومن قال ان نحن متهنين بحياتنا عند اهلنا

مب الكل مستانس ابيت ابوها يا اختي في ناس شايله هم في بيت ابوها وشايلها همها وهم اهلها ومشاكلهم
بعد على الاقل لمن تتزوج تشيل همها وهم عيالها وبس وماعليها من احد المهم انها تكون مستانسه

والله اشوف ان الزواج من رجل صالح نعمه فعلا متى الله يفرجها علينا بس ونفتك من البلا اللي عايشين فيه

صادقه الشباب ما يتعوض..

مرتاحين في بيت اهلنا والحمدالله ولا هم مقصرين علينا

بس نبي نتزوج شبعنا من دلع ودلال الاهل


انا وحده ابي اغير خلاص مليت ابي احس بالاستقرار واني مسؤله عن رجال وبيت


حالي حال كل بنت


ذكرتوني في وحده كانت تقول ان الزواج شين وبيت الاهل احلى وتذم شكلها خايفه من الحسد

قلت لها والله عاد زين شين نبي يعني نبي نتزوج:hahaha:


وادعو لنا يابنات في هالشهر الفضيل وان شاء الله ربي يستجيب لنا ولك :)

اقص ايدي كل وحده منكم صارت عمرها 16 و19 سنه وميته تبي تتزوج


انا صار عمري 30 وانا امموت واتزوج بس بس مااااااااااااااااااااااشي تقولين مافي رجال بهالكون ممكن يكون نصيب لي سبحان الله وانا من عمري 24 كل سنه اقول هالسنه السنه اليايه الشهر الياي بعد هالعيد بس ماااااااااااااااااااااااشي تقولين مافي رجال على كوكب الارض سبحان الله
يجون ويروحون وما ادري ليه ما انكتب نصيبي
اموت واعرس واخاف اكبر بعد اكثر واخذ متزوج ولا واحد متنيل بستين نيله
والله يا خوفي كل يوم اقول باجر بس ماااااااااااااااااافيه ابد ولا شي يصير وحتى لو صار يختفي ويتبخر مثل نقطة الماي لمن تطيح بصحرا والله ما ادري شو اقول
الكل يعايرني شو اسوي بس والله ملييييييييييت زهقت طفح الكيل اقول يمكن فيه شي ما ادري شو هو بس مافي سبب معين بس اني بالاخير اضل بلا عرس

انا فعلا اريد اتزوج بس والله ماابي غير عزابي مثلي وابي انساااااااااااااااااااه قمه بالاخلاق مب اي شي ونفس الوقت مب محصله اموت واعرس


والله انه كل احساس فيني مااااااااااااااااات وذيل وكبرت وذبلت صرت مثل العيايز من البكي والصياح والهم اللي شلته ... في ناس اخس عني بس والله انهم اتزوجوا وفتحوا بيوت

كل يوم وحده من هلي تتزوج ومن قرايبني وانا اطالعهم واتحسر والله في ناس عمري مافكرت انهم يتزوجون وتزوجوا والله اشوفهم بعيوني واحد ورا الثاني وانا مثل ما انا مكاااااااااااااااني ما اتحرك شبر ابدااااااااااااااااااا شو اسوي خبروني علموني
دعاء ودعيت والله انكم ما تدرون باللي اسويه والله حجيت اكثر من ثلاث مرات اعتمرت فوق العشر مرات بسسسسسسسسسس ماااااااااااااااااا ادري شو بقا بعد ليه نصيبي واقف ليه ما اعرس مثل بنات خلق الله ليش ما ارتاح واريح امي واهلي اللي غسلوا ايدهم مني

انا ادري باجر بتوصلني رسايل اقتراحات وخطاب
والله انا ادري ان كل هذا مافي منه فااااااااايده بالاخير ما فيه عرس ما ادري ليه المذله ليه ربي ما يرزقني انا مليييييييييييييييت حتى دموع عيني جفت من كثر البكي صرت ما ابكي ما احس والله كرهت حياتي مافي شي بحاتي متهنيه فيه كله تعبانه حتى النوم ما انام مثل الناس كل احلم واحلم باحلام كله تبشرني بتعاستي مافي حلم يفرحني الا كل حلم يخليني اقول لاااااااااااااااااااااااااااااا خلاص

بس ابي اعرف ليه كل اللي على الكره الارضيه تزوجوا الا انا مافيه اشمعنا انا بالذات ماهو بنات العالم اخس عني الف مره تزوجوا انا لا شو السالفه
انا على فكره بدت علي اعراض الجنون واقسم بالله ما اقص عليكم او ابالغ حتى الكل قاعد يقول لي والله العظيم حتى امي تقول اخرتها بتجنين صدقون مافي فايده كلل اللي موجود في المنتدى جربته من دعاء صلاه قيام كلشي كلشي مابقى شي ماسويته بس مافيه امل خلااااااااااااااااااص