في ازوج كذا !؟ ولا بس زوجي الي احسو مشدد بلمره علي

صادقه حب حب راح يتغير والله زوجي كل شي ممنوع مع الوقت تغير حبتين

ياعمري انتي صغيره وتوك في البدايه وتلقينه طاير فيك ويبيك له بروحه وخايف عليك احد يغير ماعليه جاريه حب حب وتكلمي عنده في صديقاتك خليه يحس انك تحبينهم وانهم يعنولك كل شي واول حاجه اكسبي ثقته فيك وطفي غيرته وبعدها راح تحسي مع السنوات انوا فيك تغير وخف تشدده معك موفقه

اللي يقولو صغيره ومادري ايش ترا مو عذر له معليش لاتحطو اعذار ....غير انه حب تملك ومريض نفسي بالشك هذا من وجهه نظري
انا تزوجت صغيره زيها والفرق برضو زيها 10 سنوات الحمدلله زوجي مامنعني من كل شي وياما بنات تزوجوو صغار وبرضو بالعكس الزوج المتفهم يعطيها ع جوها ويصغر عقله قدها مو يحرمها كانها بزر عنده عشانها صغيره ... طيب مو لمن كانت ببيت اهلها كان معها جوال وتكلم صاحباتها ليش ابوها مامنعها ??
ابوها مايحبها ولا يخاف عليها!!
احنا لمن نعلمها لانها هي سالت كل الازواج كذا
لاياعمري مو كل الازواج كذا الا النفسيات معليش...
من اول كتبت اني مابرد لانه لو رديت وكتبت اخاف اخرب بيتها بس هذا الصح وليش اسكت واقولها اي كلهم كذا كانو بالبدايه .. لا مو كلهم لا تعممو ...
واللي يقولو بس في البدايه وبعدين يتغير حبه حبه والله اعرف وحده ونزلت موضوعها هنا انه زوجها كذا حارمها من كل شي ولهم 10 سنوات زواج وبينهم عيال وهو حارمها من نفس الحاجات اللي من اول زواجها ... وجايه تبغى حل بعد العمر هذا!!
لا ياقلبي الحل من البدايه مو بعد ماتخلف وتتورط معاه...
وعن نفسي لو انا مكانك والله لادخل ابوي في السالفه واعلمه ان وراي اهل ومارجع له لين مايصير يتدخل في جوالي وبرامجي مادمت ماسوي شي حرام مالو دخل ....هذه خصوصيه
ومالو حق يحرمني من صاحباتي ابدااااا

عزيزتي اللي كاتبة عن الزوج وطاعة الزوج وهمشت الصديقات .. ترا في القرآن الكريم رب العباد اللي خلقني وخلقك قال في الايه (( والصاحب بالجنب )) روحي اقرأي تفسيرها وقال في سورة النور (( وصديقكم )) اللي هي آية الاستئذان تبع البيوت برضو ياليت تقرأي تفسيرها انت واللي تؤيد نظرتك ،، مو عشان الوحدة عاشت في مجتمع محرررم عنده الصحبة والصداقة تروح تحط احاديث بمزاجها هذا ديييييننا فيه قمممة الأخوة والصداقة والحب واكبر دليل رسولنا عليه الصلاة والسلام كل عالمه كان اصحااااااب وكانت حبيبته عائشة رضي الله عنها يجوها صويحباتها لكن للأسسسسف عادات بعض العالم المتخلفه غطت على دينهم ونظرتهم قاصرة بسسس في عادات جائره ما انزل الله بها من سلطان ،، وصاحبة الموضوع اسأل الله انه يسخرررر لك قلب زوجك يااااارب وتقدري بإذن الله تغيريه بعد فضل الله واهم شي صحباتك يكونوا صحبات خير وباذن الله ربي مااااايحرمكم من بعض انت وصحباتك ياااارب وتكونوا سوا طوووول العمر يا عسل

ياحبيبتي انت غلطتي غلطه كبيره علي طووول وافقتي علي طلبه ماناقشتيه حتي وهذا اكبر غلط حسستيه انك موافقه وخلاص امره ماشي بكره بيقول لك لا تكلمين فلانه من اهلك ومافي طلعه ومافي تلبسي كذا ومافي تتصرفي كذا بينحشر حتي بالتنفس حقك وهذي بداتيها انه منعك من اصحابك بس انتي اجلسي معاه وناقشيه انو انا مو مرتاحه وابي ارجع اتواصل معاهم ووش يقولون عني تزوجت وتركتنا واذا حسيت مني أي تصرف مو كويس او مثل ماقلت يحارشوني او ياثرون علي ذيك الحزه امنعني عنهم ولك حق اما الحين لا واذا رفض وعند اجلسي زعلانه لا تكلمينه لين يوافق انتبهي يرجع يطلب منك طلب ثاني من هالنوع وتوافقين بتكوني فتحتي علي نفسك أبواب الجحيم مع زوج يبيك تعاملينه سي سيد