🍼التجمع(5) لأمهات يناير وفبراير2017 🍼

نفسي بالضبط زواج اخوي قبل موعد ولادتي ب أسبوع و ماعرف متى راح أولد و ماعرف اذا اجهز للزواج ولا ما روح مع أني لازم اروح هذا اول واحد يتزوج عندنا من الشباب و انا البنت الكبيرة
أمي قالت لي يصير خير لين ذاك الوقت
صح شي يحزن ان فرحت اخوج ماتقدرين تحضرينها لكن ماباليد حيله الله يوفقهم ويسعدهم ويجمع امبينهمم ع خير

و انا متحمسه كثير أني راح أولد بالشتاء لني أحب الشتا ان شاء الله النفاس مايكون متعب ويعدي ع خير
وصح الليل طويل ان شاء الله نرتب وقتنا ونقدر ننام فيه أحسن من نومة النهار

الله يهون عليج ويثبت لج حملج ويتممه لج ع خير
ارتاحي و لاتعبين نفسج ☹

انا كملت 24 أسبوع و حاسه بكسل فضيع هذي الأيام يدوب أقوم اصلي و كل ماقعدت مكان انسدحت و ابي انام بس وقت النوم بالليل هذا الكسل و النوم معرف وين يروح و نومي صاير متعب و احلام و كوابيس و جسمي يتعب لما انام ع جنب الله يعينا

بسم الله عليك

ارتاحي واستودعيه الله دائماً هو الحافظ وتطمني ولاتظنين إلا كل خير

الله يتمم لك ع خير

طمنينا عليك 💖