تقدم لي كفيف البصر ( أعمى )

ربي يسعدك ويطمن بالك واضافات مطمئنة

حبيبتي الله يوفقك ويكتب الخير وين ماكان انتي استخيري والخيره فيما اختارها الله وانصحك لاتوافقين الا اذا كنتي مقتنعه ميه في الميه

ماشاء الله ربي يسعدك اضافة جميله

الاسباب لانه افضل من غيره بالنسبه لي
بعيش ان شاء الله احسن من اللي عايشات مع رجال مفتحين و24 ساعه برا البيت
بعيش ان شاء الله احسن من اللي عايشات مع رجال مفتحين ويصبحون زوجاتهم بضرب ويمسوهم بضرب
بعيش ان شاء الله احسن من اللي عايشات مع رجال مفتحين ومايعجبه اي شي تسويه له زوجته من مأكل من مشرب من اهتمام
بعيش ان شاء الله احسن من اللي عايشات مع رجال مفتحين وحاشرين زوجاتهم بين 4 جدران ومهينينها

عرفتي شلون بعيش

اذا على الذوق باللبس عادي اقرب له الملابس واخليه يتحسسها واشاوره ولاتنسين اني قايله انه فيه نظر يمكن 1% يعني بيعطيني رايه من غير اي تردد

هدايا مرتين حضرو لبيتنا ويده ماكانت خاليه من الهدايا يعني عنده ذوق وقادر انه يهدي

تقولين احس حتى المتعه بالفراش ماتحسين فيها

طيب بسالك اللي ينامون والنور طافي وش وضعهم تتوقعين يعني ماعندهم احاسيس ؟

بالنسبه شلون يشوف عياله
نسبه كبيره من الرجال المفتحين من تدخل زوجته الغرفه ومعها البيبي يقولها نوميه بالصاله بعدين تعالي
يعني المفتحين مافكرو بعيالهم
واذا جو عيالي عميان فالحمد لله اكيد بفرح لأن مايبتلى الا المؤمن
والحمد لله المسؤلية قادرة عليها وقدها باذن الله

انك مقتنعه بخطيبك شي كويس
لكن مو معنى انك اخذتي اعمى
ان كل اللي منفتحين مو كويسين وما يعجبهم شي وبس يضربوا حريمهم وما يشوفوا عيالهم
كل فئه فيها وفيها
وفي اصحاب عاهات مجرمين يعني مو قاعده يا اختي