وشهي الكماليات اللي المفروض نبطل نشتريها.

رفع

هههههه.انا مثلك اليوم افكر انا وزوجي ايش هي الكماليات ...اتوقع مثلا مواعين المطبخ الزايده عن الحاجه .مثلا مناديل الي تنحط على السفر والسفر الملونه ماقصد البلاستيك..الكماليات مثل اشياء تنحط في البيت للزينه وجودها ماهو ضروري .م .اول مره في حياتي انا وزوجي نحط ميزانيه وامسكها الله يستر لايطلع فيها عجز ..ههههه الحمدلله وضعنا مستور يارب لك الحمد بس الانسان يخاف من القادم ويعمل له حساب ...اكتشفت انا وزوجي كنى نصرف الراتب من غير مانمشي على ميزانيه ..هذا سبب ان الواحد يروح جزء من راتبه من غير مايستفيد منه .

صادقه نصرف الراتب بدون تخطيط ولا تفكير للادخار. لازم نبدأ سياسة التقشف عشان ندخر جزء من الراتب. صراحة اللي صار أدبنا

الكماليات زي الحلويات والمطاعم والشبسات والالعاب ما نحرم انفسنا لكن ممكن مره في الشهر وبيكون لها طعم
حتى المستشفيات الخاصة ما نروحها إلا اذا كان مافيه طبيب كويس إلا فيها لكن اذا كان المرض مجرد سخونه او فلونزا فالرعاية الصحية الحكوميه تصرف نفس العلاج ومجانا
والحلويات ممكن نسويها في البيت الذ واوفر كمان اذا كنا لازم ناكل حلى لان اقل صحن حلا جاهز ب50 ريال ولا يكفي اثنين
مصروف المدرسة الافضل ان الطلاب ياخذون فطورهم من البيت ساندويش وعصير مع ريال واحد يكفي
والافضل ان ربة البيت تصلح منيو للوجبات طوال الاسبوع وتوفر مقادير كل اسبوع بحيث انه ما يزيد شي وينخرب خصوصا الخضار
واذا نزلتي للماركت نعرف وش ناخذ ما نجلس نقشقش بدون تحديد
صدقوني ان السنه هذي اختبار علشان نعرف كيف نوفر ونعرف قيمة النعمة لكن المهم اننا ننجح
والتقليل من الجمعات خصوصا إلي مافيها صلة رحم لان الجمعات كلها خساير ومستحيل نتجمع بدون حلى ومكسرات وخرابيط
وترى الوضع عادي ما يحتاج نشيل همه وبااذن الله بتفرج

استفدت من ردّك. كمان صابون غسالة الصحون. فيه الصابون البودرة مره وفير ويجلس بالشهور. عكس الصابون القوالب تحطي حبه والكرتونه تخلص بسرعه وهو سعره غالي. بس البودرة تحطي كميه قليله لو الصحون قليله ويجلس معاك شهووووور